Fota: depositphotos.com.
U studzieni «Hazprom» pastaviŭ u krainy ES 11,4 miljardy kubičnych mietraŭ hazu — na 41% mienš, čym u studzieni minułaha hoda. Adnačasova krainy Jeŭrasajuza nabyli 11 miljardaŭ kubamietraŭ zvadkavanaha hazu, jakija ŭ Jeŭropu viazuć pa mory z usiaho śvietu. Rašeńnie dapamahčy Jeŭropie hazam pryniaŭ navat urad Japonii.
Na siońnia zvadkavany haz pakryvaje ŭžo 37% patreb krain Jeŭrasajuza ŭ błakitnym palivie, piša businessinsider.com.pl.
Źmieny na rynku — vynik taho, što značna pavialičyłasia kolkaść karabloŭ na transatłantyčnych maršrutach pamiž ZŠA i Jeŭropaj. Heta zdaryłasia paśla taho, jak ŭ śniežni 2021 hoda ceny na haz u Jeŭropie mocna vyraśli.
U žniŭni 2021 hoda hazapravod «Paŭnočny patok — 2» prajhraŭ sud u Dziusieldorfie, zhodna ź jakim vytvorcy hazu pavinny być jurydyčna adździelenyja ad pradpryjemstvaŭ, što transpartujuć paliva. U adkaz «Hazprom» pierastaŭ pradavać haz pa doŭhaterminovych kantraktach praz elektronnuju handlovuju płatformu JETR. Hazapravod «Jamał-Jeŭropa» staić niezapoŭnieny, a pa trubapravodzie praz Ukrainu Rasija transpartuje minimalnuju kolkaść hazu.
Naziralniki bačać u hetym sprobu šantažavać Jeŭropu napiaredadni mahčymaha napadu na Ukrainu i zmusić urad Niamieččyny pahadzicca na adkryćcio hazapravoda «Paŭnočny patok —2» na ŭmovach Maskvy.
U vyniku zapasu hazu ŭ jeŭrapiejskich schoviščach apuścilisia da rekordna nizkaha ŭzroŭniu. Ale pastaŭki zvadkavanaha hazu z Katara, ZŠA i Japonii dazvolać jeŭrapiejskim krainam spakojna vyjści z aciaplalnaha siezonu.
