Udzieł u kanfierencyi pryniali prezident ZŠA Džo Bajden, fiederalny kancler Hiermanii Ołaf Šolc, prezident Francyi Emanuel Makron, premjer-ministr Vialikabrytanii Borys Džonsan, prezident Polščy Andžej Duda, prezident Rumynii Kłaŭs Jochanis, premjer Italii Marya Drahi, hienieralny sakratar NATA Jens Stołtenbierh, premjer-ministr Kanady Džaścin Trudo, staršynia Jeŭrapiejskaj kamisii Ursuła fon der Lajen i staršynia Jeŭrapiejskaj rady Žan Mišel.
Pres-sakratar urada FRH Štefien Chiebienštrajt zrabiŭ pa vynikach kanfierencyi zachodnich lidaraŭ zajavu i naŭprost skazaŭ pra niebiaśpieku vajny. Situacyja im aceńvajecca jak «vielmi, vielmi surjoznaja».
Udzielniki kanfierencyi paćvierdzili hatoŭnaść uvieści radykalnyja sankcyi suprać Rasiei ŭ vypadku parušeńnia terytaryjalnaj cełasnaści i suvierenitetu Ukrainy. Metaj dypłamatyčnych namahańniaŭ źjaŭlajecca prymusić Maskvu pajści na deeskałacyju.
Žurnalisty amierykanskich telekampanij NBC i PBS sa spasyłkaj na dvuch pradstaŭnikoŭ amierykanskaj administracyi śćviardžajuć, što pačatak uvarvańnia Rasii ŭ Ukrainu čakajecca na nastupnym tydni. Ź ich słoŭ, aficyjnyja asoby ZŠA čakajuć žachlivaj kryvavaj kampanii, jakaja pačniecca z dvuch dzion pavietranych bambavańniaŭ i radyjoelektronnaj baraćby, za jakimi rušyć uvarvańnie z mahčymaj metaj źmieny režymu.
Bajden u najbližejšy čas źbirajecca stelefanavacca z Pucinym. Makron heta źbirajecca taksama zrabić u subotu.
«My hatovyja da lubych dziejańniaŭ Rasii. Kali Rasija raspačnie niejkija dziejańni, to naš adkaz budzie imhniennym, a padtrymka Ukrainy budzie praciahvacca bieź pierapynku», — zapeŭniŭ Džejk Selivan, daradca prezidenta ZŠA pa nacyjanalnaj biaśpiecy, zajaviŭšy, što «ŭvarvańnie Rasii moža pačacca ŭ luby momant».
Čytajcie taksama:
Mnohija dziaržavy zaklikajuć svaich hramadzian pakidać Ukrainu ci nie jechać u jaje
Jahor Lebiadok: Da 2026-2028 hadoŭ vierahodnaść vajny ŭ našym rehijonie składzie dva z troch
Jak Ukraina robić staŭku na bieśpiłotniki ŭ abaronie ad Rasii
Polšča, Brytanija i Ukraina stvarajuć novy vajenna-palityčny sajuz. Što pra jaho viadoma?
