Fota: rbc.ru

Fota: rbc.ru

«Bajden paŭtaryŭ, što dalejšaje ŭvarvańnie Rasii ŭ Ukrainu vykliča masavyja čałaviečyja pakuty i asłabić aŭtarytet Rasii, — havorycca ŭ paviedamleńni. — Prezident Bajden jasna daŭ zrazumieć prezidentu Pucinu, što, choć Złučanyja Štaty pa-raniejšamu hatovyja zajmacca dypłamatyjaj pry poŭnaj kaardynacyi z našymi partniorami, my ŭ roŭnaj stupieni hatovyja i da inšych scenaroŭ».

«Prezident ZŠA Džo Bajden padčas telefonnaj razmovy z prezidentam RF Uładzimiram Pucinym u subotu zhadaŭ mahčymyja antyrasijskija sankcyi va ŭmovach napružanaj situacyi vakoł Ukrainy, ale akcenta na hetym pytańni nie było», — pieradaje RIA «Naviny» słovy pamočnika Pucina Juryja Ušakova.

Kreml zajaviŭ, što «Rasija nie razumieje, navošta ZŠA pieradajuć ŚMI zahadzia iłžyvuju infarmacyju pra nibyta płany rasijskaha ŭvarvańnia va Ukrainu».

Taksama, pa słovach rasijskaha boku, «napružańnie ŭ suviazi ź pieramiaščeńniem rasijskich vojskaŭ pa terytoryi Rasii narastaje ŭžo bolš za miesiac, a ŭ apošnija dni i hadziny situacyja dajšła da absurdu, niezrazumieła čamu».

Pucin papiaredziŭ Bajdena pra toje, što dalejšaje pašyreńnie NATA moža vieści za saboj pramuju kanfrantacyju aljansa i Rasii.

«Pucin paviedamiŭ Bajdenu, što Zachod nie ažyćciaŭlaje naležnaha cisku na Ukrainu dla vykanańnia Minskich pahadnieńniaŭ, — zajaviŭ Ušakoŭ. — Pucin nahadaŭ Bajdenu, što adnosiny pamiž dźviuma krainami dehradavali ŭ 2000-ch hadach, a Bajden zajaviŭ, što ZŠA i Rasija pa-raniejšamu źjaŭlajucca kankurentami, ale pavinny zrabić usio mahčymaje, kab paźbiehnuć horšaha scenara va Ukrainie».

«Rasija ŭ bližejšy čas abjavić, jak budzie dziejničać paśla analizu adkazaŭ ZŠA i NATA na jaje prapanavy pa harantyjach biaśpieki, — adznačyŭ Ušakoŭ. — Było skazana, što my praktyčnaja zaviaršyli mižviedamasnuju prapracoŭku našych mahčymych dziejańniaŭ, i pra heta budzie abvieščana ŭ bližejšy čas».

Čytajcie taksama:

Zamiežniki źjazdžajuć, ale Zachad nie hublaje nadziei na dypłamatyčnaje vyrašeńnie ŭ apošni momant. Što viadoma pra mahčymy napad Rasii na Ukrainu?

Zachodnija ŚMI nazvali zapłanavanuju Rasijaj datu ŭvarvańnia va Ukrainu

Blinkien pazvaniŭ Łaŭrovu. Što jany abmiarkoŭvali?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?