Sud pa spravie adbudziecca 17 lutaha ŭ 14:30. Jašče ŭ studzieni ŭ siabraŭ «Mahiloŭskaha pravaabarončaha centra» adbylisia pieratrusy, pieradaje «Radyjo Racyja».
25 studzienia supracoŭniki Departamienta finansavych rasśledavańniaŭ KDK RB praviali pieratrus u dyrektara Mahiloŭskaha pravaabarončaha centra Uładzimira Kraŭčanki. U vyniku pieratrusu słužboŭcy zabrali ŭ pravaabaroncy cacačny pistalet syna i staryja buklety Biełaruskaha Chielsinkskaha kamiteta 10-hadovaj daŭniny.
Pastanova na pieratrus była vypisanaja centralnym aparatam Śledčaha kamiteta i sankcyjanavanaja namieśnikam hienieralnaha prakurora.
26 studzienia ŭ Kraŭčanki prajšoŭ jašče adzin vobšuk, u vyniku jakoha kanfiskavali noŭtbuk.
Mahiloŭski pravaabarončy centr na praciahu bolš čym 20 hadoŭ aktyŭna dziejničaje ŭ Mahiloŭskaj vobłaści. Za hetyja hady arhanizacyja nieadnarazova traplała pad pilnuju ŭvahu miascovych orhanaŭ ułady, niezadavolenych krytykaj pravaabaroncaŭ u svoj adras.
