«Adrazu ž chaču skazać: my bačym i pradbačyli, možna skazać, śpiekulacyi na hetuju temu — na temu ab tym, što Rasija źbirajecca adnavić impieryju ŭ impierskich ža miežach. Heta absalutna nie adpaviadaje rečaisnaści», — skazaŭ Pucin, kamientujučy Alijevu pryznańnie Rasijaj niezaležnaści «DNR» i «ŁNR».

Pucin zajaviŭ, što Rasija, maŭlaŭ, pryznała novyja hieapalityčnyja realii paśla raspadu SSSR i pracuje nad umacavańniem uzajemadziejańnia z usimi krainami postsavieckaj prastory, dziejničajučy «vielmi akuratna» ŭ vostrych situacyjach i imknučysia damahčysia ŭzajemaprymalnych rašeńniaŭ.

Ale, maŭlaŭ, z Ukrainaj takoha nie atrymlivajecca, bo tam adbyŭsia «dziaržaŭny pieravarot i niezakonny zachop ułady». I ŭvohule, «terytoryja hetaj krainy vykarystoŭvajecca trecimi krainami dla stvareńnia pahroz u dačynieńni da samoj Rasijskaj Fiederacyi».

Toje, što Pucin kazaŭ takoje mienavita na sustrečy z Alijevym, nievypadkova, bo, naturalna, napoŭnienyja nieprychavanaj impierskaj rytorykaj zajavy Pucina budziać niepakoj pieradusim u tych krainach, terytoryi jakich niekali ŭvachodzili ŭ skład Rasijskaj impieryi i SSSR. Azierbajdžan — adna z takich krain. 

Darečy, u składzie siońniašniaj Rasii jość terytoryi, jakija nikoli nie ŭvachodzili ŭ skład Rasijskaj impieryi. Heta najpierš Kalininhradskaja vobłaść, častka byłoj niamieckaj Uschodniaj Prusii, dałučanaja da Rasii ŭ 1945 hodzie z poŭnym vysialeńniem adtul miascovaha niamieckaha nasielnictva, jakoje da taho składała pieravažnuju bolšaść.

Druhaja takaja terytoryja — Respublika Tyva, radzima ministra abarony Rasii Siarhieja Šajhu, jakaja tolki ŭ 1914 hodzie, pierad samym kancom Rasijskaj impieryi, stała jaje pratektaratam, a dahetul była častkaj Kitaja. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?