Ilustracyjnaje fota. Sajt interpała.

Ilustracyjnaje fota. Sajt interpała.

Jak Haŭryłavu ŭdałosia atrymać rasijskuju piensiju?

Jak stała viadoma «Našaj Nivie», Haŭryłaŭ skarystaŭsia «Pahadnieńniem ab paradku piensijnaha zabieśpiačeńnia dziaržaŭnaha strachavańnia supracoŭnikaŭ orhanaŭ unutranych spraŭ dziaržavaŭ — udzielnikaŭ SND». Jano było padpisanaje jašče ŭ 1995-m usimi krainami SND, tam jość taki radok:

«Praduhledžanyja Zakonam umovy, normy i paradak piensijnaha zabieśpiačeńnia raspaŭsiudžvajucca taksama na vajennasłužačych US, UV, PV, ČV, KDB i inšych farmiravańniaŭ […] jakija stała pražyvajuć na terytoryi […] (člena SND)».

Inšymi słovami. Kali čałaviek adsłužyŭ u Biełarusi, maje prava na piensiju i pierajechaŭ na PMŽ u inšuju krainu SND (jak praviła — Rasiju), jon moh atrymlivać piensiju tam.

Schiema Haŭryłava, pra jakuju jon raskazvaŭ svaim kaleham, vyhladaje tak: paśla vychadu na piensiju, užo svabodnym čałaviekam, jon pajechaŭ u Rasiju da svajakoŭ z žyllom, atrymaŭ tam dazvoł na pražyvańnie i, spasyłajučysia na normy hetaha małaviadomaha zakona, pačaŭ atrymlivać piensiju ŭ Rasii.

Ilustracyjnaje fota. Sajt interpała

Ilustracyjnaje fota. Sajt interpała

Što ź piensijaj u byłych siłavikoŭ?

Były staršy aficer centralnaha aparatu MUS pa tym kursie atrymlivaŭ bolš za tysiaču dołaraŭ piensii, u toj čas jak tut ludzi atrymlivali pa 300—500 dołaraŭ.

Adnak ciapier situacyja inšaja: za dziesiać hod z časoŭ «manieŭra» Haŭryłava rasijski rubiel mocna devalvavaŭsia, źmianiŭsia sam pryncyp raźliku piensij.

Ci spraviadlivaja schiema ciapier?

Siaredni pamier milicejskich piensij u Biełarusi nieviadomy, jon nie publikujecca. Zrešty, i viedańnie siaredniaj ličby nam ničoha nie daść — pamier piensii i ŭ Biełarusi, i ŭ Rasii, kožnamu asobnamu milicyjanieru raźličvajecca asobna, u zaležnaści ad pasady, kolkaści hod vysłuhi, najaŭnaści invalidnaści ci ordenaŭ. 

Dva čałavieki z pahonami pałkoŭnika, adzin ź jakich słužyŭ u rajonnym upraŭleńni, a druhi — u abłasnym, buduć atrymlivać roznyja piensii. Ale, niejkaje ŭjaŭleńnie ab pamiery piensij my ŭsio adno majem. 

Tak, pałkoŭniki Centralnaha aparata MUS RB atrymlivajuć pa 1300—1400 rubloŭ piensii (pałkoŭniki vychodziać na piensiju ŭ 50 hadoŭ), padpałkoŭniki 1100—1200 rubloŭ. 

Letaś dva majory MUS (nie z centralnaha aparata) nazvali «Anłajnieru» ličby svaich piensij: 630 rubloŭ za luty 2021-ha. U toj ža čas načalnik rajonnaha adździeła MNS z vysłuhaj 29 hod atrymaŭ 1478 rubloŭ, načalnik abłasnoha ŭpraŭleńnia MNS — 1580. 

Piensija zaležyć ad akładu, a jon apošnija hady ros, adryŭ ad rasijan skaračaŭsia. 

A jakija piensii ŭ palicejskich u Rasii?

Schiema raźliku piensij palicejskich u Rasii vyhladaje tak: pry vysłuzie 20 hod — pałova ad akładu. 

Kolki jany zarablajuć? Palicejskamu na poście unutranaj achovy IČU ŭ Maskvie prapanujuć 47 tysiač rasijskich rubloŭ na ruki. Heta 1556 biełaruskich. Amapaŭcu ŭ Maskvie — ad 45 tysiač (1500 biełaruskich). 

Palicejskim pa-za Maskvoj, u rehijonach, prapanujuć ad 30 tysiač (990 biełaruskich). Heta ŭsio suvymiernyja ź biełaruskimi sumy, kali my havorym pra šarahovych supracoŭnikaŭ. Niaciažka zrabić vysnovy i ab pamiery piensij (akład budzie mienšy, čym abiacany zarobak, kudy, jak praviła, układvajucca premii, nadbaŭki za ŭčastak i hetak dalej). 

Takim čynam, užo nastupiŭ čas, kali rasijskija i biełaruskija milicejskija piensii i zarobki, prynamsi na ŭzroŭni drobnych vykanaŭcaŭ i aficeraŭ siaredniaha źviana, — suvymiernyja. 

Na admysłovym rasijskim sajcie «Vajennaje prava» jość kalkulatar, jaki dazvalaje palicejskim padličyć svaju patencyjnuju piensiju. Da hetaha kalkulatara my možam źviarnucca, kab raźličyć prykładnuju piensiju aficeraŭ. 

Naprykład, atrymlivajecca, što načalnik RUUS z 30 hadami słužby, pałkoŭnik sa składanaha rehijona, za jaki jamu nakinuć pavyšajučy kaeficyjent 1,5, moža raźličvać na piensiju ŭ 37 tysiač rasijskich rubleŭ — a heta kala 1200 biełaruskich. 

Čytajcie jašče: 

Doktaru hatovyja płacić 700 rubloŭ, aharodniku — 1200. Jakija zarobki prapanujuć na rynku pracy

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?