Andžej Duda. Fota: Getty Images
«Usie prezidenty paćvierdzili svoj udzieł. Prezident Čechii prymie ŭdzieł u sustrečy anłajn», — skazaŭ kiraŭnik prezidenckaha mižnarodnaha Palityčnaha biuro Jakub Kumach, paviedamlaje «Ukrainskaja praŭda».
Kumach paviedamiŭ, što pastanova ab praviadzieńni samitu była pryniataja padčas pieramovaŭ prezidenta Andžeja Dudy ź jaho litoŭskim i rumynskim kalehami Hitanasam Naŭsiedam i Kłaŭsam Jochanisam.
Farmat «Bucharesckaj dziaviatki» byŭ zasnavany ŭ 2014 hodzie jak polska-rumynskaja inicyjatyva, nakiravanaja na kaardynacyju pazicyj i abmien dumkami ŭ śfiery biaśpieki pamiž dzieviaćciu krainami, raźmieščanymi ŭ rehijonach Bałtyjskaha i Čornaha mora.
Akramia Polščy, u farmat uvachodziać Bałharyja, Čechija, Estonija, Vienhryja, Łatvija, Litva, Rumynija i Słavakija.
Prezidenty Polščy i Litvy ŭ sieradu znachodziacca ź vizitam u Kijevie.
