«Ja ŭ Charkavie. Dzieci, unuki, siabry ŭ Charkavie. Z ranicy biespaśpiachova sprabuju vyjści ŭ efir — videa i internet nie ciahnie…

Tut, va Ukrainie, usie ŭsio razumiejuć. Nie vierać, nie chočuć vieryć. Nie chočuć, nie mohuć u zdarovym rozumie heta pryniać. Ale ŭžo siem hadzin prajšło, jak pačałosia, i pryniali.

Ja ciapier pišu nie dla našych.

Ja pišu dla žycharoŭ Rasii.

Vas dziasiatki miljonaŭ. Mienavita dziasiatki miljonaŭ tych, chto čytaje maje knihi, hladzić maje prahramy, kamu ja realna dapamoh za tyja 40 hadoŭ, što laču dziaciej, vuču baćkoŭ, adkazvaju na tysiačy pytańniaŭ.

Ciapier tysiačy chłopčykaŭ, jakich vy vyhadavali zdarovieńkimi, hladziać na maju krainu ŭ pryceł, naciskajuć na knopku «pusk», pamirajuć i buduć pamirać.

Vy ŭsie, chto ciapier, jak i my ŭ žachu kala ekranaŭ, vy možacie chacia b pasprabavać heta spynić!

Uspomnicie, jak vy čytali dzieciam praročaje «Tarakaniŝie» — dy i jakaja ž maci pahodzicca addać svajo darahoje dzicia!

Nie addavajcie svaich dziaciej, nie zabirajcie maich. Vychodźcie na vulicy, ciapier vyrašajecca budučynia nie tolki majoj krainy, ale i vašaj.

Jany, hetyja dzieci, ciapier tut, pryjšli addavać svaje žyćci i zabirać našy.

…pračnuŭsia siońnia a 5 ranicy ad kananady.

Vajna! Braterskaja luboŭ. Denacyfikacyja. Heta sinonimy ciapier…

Dziakuj usim chto napisaŭ, patelefanavaŭ — Uźbiekistan, Kazachstan, Izrail, Niderłandy, ZŠA, Vialikabrytanija, Kirhizija, Kanada, Polšča, Italija, kala 300 listoŭ z Rasii, i mienavita heta daje nadzieju, što vy zmožacie pračnucca.

Kali łaska, Pračynajciesia!»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?