Ułady Polščy admianili ŭsie kavidnyja abmiežavańni dla pryjomu biežancaŭ z Ukrainy.
Supracoŭniki pamiežnaj słužby abiacajuć dapamahać uciekačam z Ukrainy i prymuć usie zajaŭki na mižnarodnuju abaronu.
Biełarusy, jakija ciapier znachodziacca va Ukrainie, mohuć prybyć na luby pahranpierachod pamiž Ukrainaj i Polščaj i padać zajavu ab pradastaŭleńni mižnarodnaj abarony.
U Lublinskim i Padkarpackim vajavodstvach pobač z polska-ŭkrainskaj miažoj razhornutyja 8 punktaŭ pryjomu biežancaŭ z Ukrainy.
Polšča padrychtavała 120 balnic pa ŭsioj krainie i niekalki tysiač miescaŭ dla paranienych, u tym liku ciažkich. Akramia taho, arhanizavanyja pastaŭki lekaŭ i śpiecyjalny miedycynski ciahnik, jaki pieravozić paranienych z Ukrainy ŭ Polšču. Polšča rychtujecca da pryjomu ad 1 da 5 młn biežancaŭ.
Usie punkty propusku Ukrainy na miažy ź Biełaruśsiu prypynili svajo funkcyjanavańnie na niavyznačany termin.
Pavodle ŭkrainskaha boku propusk praz ukrainska-biełaruskuju miažu hramadzian Biełarusi, jakija viartajucca z terytoryi Ukrainy ŭ Biełaruś, budzie ažyćciaŭlacca praz Ukrainski punkt propusku Vystupavičy (ź biełaruskaha boku — Novaja Rudnia).
Tut možna znajści niekatoryja karysnyja spasyłki:
Pracedura padačy dakumientaŭ na mižnarodnuju abaronu (PAMIATKA)
Pracedura pradastaŭleńnia mižnarodnaj abarony ŭ Polščy pracedura — krok za krokam
Dazvoł na pracu ŭ pracedury abarony
Mižnarodnaja abarona ŭ Polščy
Baza pytańniaŭ i adkazaŭ dla hramadzian Biełarusi, jakija znachodziacca ŭ Polščy
