Fota: TASS
«Pa prośbach pracoŭnych adkryty nabor u achovu na blizkaje zamiežža». 28 lutaha, kali rasijskaje ŭvarvańnie praciahvałasia ŭžo niekalki dzion, takija abjavy pačali źjaŭlacca ŭ pablikach, praź jakija raniej išła viarboŭka najmitaŭ u «PVK Vahniera».
Pad novy kanflikt dla patencyjnych najmitaŭ źniali amal usie abmiežavańni, jakija isnavali raniej. Kali jašče niekalki miesiacaŭ tamu ŭ PVK nie brali nikoha, akramia rasijan, jakija naradzilisia ŭ miežach krainy da 2014 hoda, to ciapier na punkt viarboŭki ŭ Molkina pad Krasnadaram zaprašajuć i žycharoŭ samaabvieščanych «DNR» i «ŁNR», i žycharoŭ anieksavanaha Kryma, i inšaziemcaŭ. Zachavałasia tolki zabarona na najom hramadzian Hruzii.
Najaŭnaść daŭhoŭ pierad Fiederalnaj słužbaj sudovych prystavaŭ, adsutnaść daviedki ab niesudzimaści abo zamiežnaha pašparta taksama pierastali być prablemaj.
Abjava ab nabory najmitaŭ.
Adzin z najmitaŭ pierasłaŭ Ruskaj słužbie Bi-bi-si paviedamleńnie, jakoje rassyłajuć u ich unutranych vieteranskich čatach:
«Hospoda! Kto chočiet pokušať «sało», pišitie mnie. Diejstvujuŝich sotrudnikov biez kosiakov na piknik nie prihłašajut. Dołhi FSSP — po****. Zahran — po****. Spravki — po****. ŁDNR, Krym prihłašajem očień. U koho byli problemy s trudoustrojstvom u nas — zvonitie. Kto był uvolen u nas po kakim-to pričinam — zvonitie. Povtoriaju, na piknik prihłašajem pokušať «sało».
Jašče ŭvosień 2021 hoda byłyja najmity skardzilisia, što ŭ «PVK Vahniera» pierastali prymać tych, chto naradziŭsia na terytoryi Kryma abo samaabvieščanych «DNR» i «ŁNR», bajučysia, što siarod ich mohuć apynucca ŭkrainskija dyviersanty.
Pry hetym u abjavach padkreślivajuć, što praca pa raniejšych kantraktach nie prypyniajecca i pierakidać nazad u Rasiju najmitaŭ z afrykanskich krain pakul nie płanujecca.
«Chłopcy, usio ŭ štatnym režymie, bieź źmienaŭ. Afryka pad ziamlu nie pravaliłasia. Kali kancert Hazmanava ŭ Kijevie — nie viedaju. Adzinaje, avijarejsy na poŭdni admianili, uličvajcie heta, dabirajciesia inšym transpartam da Krasnadara», — papiaredžvajuć patencyjnych pačatkoŭcaŭ u adnoj z abjavaŭ.
Paśla taho jak Uładzimir Pucin abviaściŭ ab pačatku vajskovaj apieracyi suprać Ukrainy, samaloty časova pierastali prymać aeraporty na poŭdni Rasii: u Rastovie-na-Donie, Anapie, Sočy i Krasnadary — horadzie, adkul bližej za ŭsio dabiracca da palihona Molkina, dzie znachodziacca baza i vierbavalny punkt PVK «Vahniera».
Maksimalna šyroki nabor u Molkinie paćvierdziŭ Ruskaj słužbie Bi-bi-si adzin z najmitaŭ, jaki jašče niadaŭna znachodziŭsia pablizu rasijska-ŭkrainskaj miažy, ale ŭžo viarnuŭsia dadomu.
Pavodle jaho słoŭ, asnoŭny skład «ČVK Vahniera» va ŭkrainskim kanflikcie na dadzieny momant nie ŭdzielničaje. «Z ukrainskim naboram cikavaja tema: tam nie asnoŭny kaściak, u Molkinie nabirajuć usich zapar. Mienavita tych, chto z vušakami, mienavita tych, chto z čornych śpisaŭ, — raspavioŭ jon. — Tam nie «Vahnier» pracuje, a tolki sabranyja atrady z roznymi inšymi nazvami. My ich pamiž saboj štrafbatami nazyvajem z pacanami», — raskazaŭ jon.
«Tak što tam nie «Vahnier», a rozny zbrod, jaki ciapier nabirajuć u Molkinie ź zialonymi dźviaryma. Chto ŭ asnoŭnych atradach — nie ŭdzielničajuć. Pohań usiakuju nabrali i kamandujuć imi takija ž štrafniki. Tak što nie viedaju, jak jany siabie pavodziać. Adzinaje, nie viedaju, na jaki napramak ich potym nakiroŭvajuć. Jak minimum u ŁNR ich pakul nie bačyli», — dadała krynica.
Za niekalki tydniaŭ da vajny, raspavioŭ surazmoŭca Bi-bi-si, vieteranaŭ «Vahniera» nabirali ŭ novyja farmavańni — pad kamandavańniem, jak jon śćviardžaje, «dziejnych aficeraŭ HRU». Im nibyta zrabili šaŭrony z nazvami novych PVK, paśla čaho, jak raspaviadaje krynica, jany vykanali niejkaje zadańnie «na Charkaŭskim napramku», atrymali zarpłaty pa 2100 dalaraŭ za miesiac i viarnulisia pa damach.
Bi-bi-si źviarnułasia pa kamientar u Ministerstva abarony Rasii i čakaje adkazu. Śćviardžeńnie ab udziele aficeraŭ HRU niemahčyma pravieryć pa niezaležnych krynicach.
Abjava ab nabory najmitaŭ.
Upieršyniu «PVK Vahniera» prajaviłasia jakraz u samaabvieščanaj «ŁNR» u 2014 hodzie, kali pačaŭsia kanflikt na ŭschodzie Ukrainy. Tady najmity brali ŭdzieł u bajach za Łuhanski aeraport, ale šyrokuju viadomaść atrymali nie ŭ suviazi z hetym, a paśla likvidacyi cełaha šerahu viadomych palavych kamandziraŭ, jakija vajavali na baku samaabvieščanaj respubliki, ale nie byli ŭbudavanyja va «ŭładnuju viertykal», jakuju Maskva sprabavała stvaryć u Daniecku i Łuhansku.
Likvidacyju takich palavych kamandziraŭ jak Alaksiej Mazhavy, Pavieł Dremaŭ ci Alaksandr Biadnoŭ, ŚMI, spasyłajučysia na ŭdzielnikaŭ uzbrojenych farmavańniaŭ «ŁNR», źviazvali z pracaj «Vahniera», a nie ź dziejnaściu ŭkrainskich dyviersantaŭ, jak pra heta zajaŭlali ŭłady samaabvieščanaj respubliki.
Za nastupnyja hady najmity paśpieli prajavić siabie ŭ Siryi, Livii, CAR, Mazambiku, Sudanie.
U śniežni 2021 hoda Jeŭrasajuz uvioŭ sankcyi suprać PVK «Vahniera», pad abmiežavańni patrapili vosiem fizičnych asob i try jurydyčnych, ź jakimi najmity padpisvali kantrakty.
BBC News nakiravała zapyt u Ministerstva abarony Rasiei z prośbaj paćvierdzić abo abvierhnuć: ci nabirajucca na palihonie Molkina niejkija dadatkovyja siły dla taho, što rasiejskija ŭłady nazyvajuć «śpiecyjalnaj vajskovaj apieracyjaj», i čakaje adkazu.
