Fota: prezydent.pl

Fota: prezydent.pl

Biełarusy mohuć skarystacca časovaj abaronaj u adpaviednaści z Zakonam ab nadańni abarony zamiežnikam, kali jany prybyli z Ukrainy i padpadajuć pad adzin z punktaŭ:

  • mohuć dakazać, što da 24 lutaha 2022 hoda jany karystalisia mižnarodnaj abaronaj abo ekvivalentnaj nacyjanalnaj abaronaj va Ukrainie;
  • lehalna žyli va Ukrainie na padstavie dziejnaha dazvołu na pastajannaje pražyvańnie, vydadzienaha ŭ adpaviednaści z zakanadaŭstvam Ukrainy;
  • nie mohuć viarnucca ŭ Biełaruś z-za pahrozy žyćciu i svabodzie.

U hetym vypadku biełarusy mohuć biaspłatna atrymać dakumient, jaki paćviardžaje ich časovuju abaronu. Siertyfikat vydajecca Upraŭleńniem pa spravach inšaziemcaŭ pa zajavie zamiežnika. Jaho možna zabrać asabista ŭ ofisie ŭ Varšavie pa adrasie vuł. Tabarova, 33. Źviartacca za im možna z 17 sakavika 2022 hoda.

Dakumient źjaŭlajecca vyklučnym dokazam časovaj abarony ŭ Polščy. Na praciahu terminu jaho dziejańnia jon paćviardžaje prava:

  • žyć na terytoryi Polščy;
  • vykonvać pracu bieź nieabchodnaści mieć dazvoł na pracu;
  • zajmacca ekanamičnaj dziejnaściu na terytoryi Polščy na tych ža ŭmovach, što i polskija hramadzianie;
  • atrymlivać miedycynskuju dapamohu ŭ Upraŭleńni pa spravach zamiežnikaŭ;
  • atrymlivać dapamohu ŭ vyhladzie pražyvańnia, charčavańnia abo materyjalnaj dapamohi.
Клас
0
Панылы сорам
0
Ха-ха
0
Ого
0
Сумна
0
Абуральна
0