Reštki budynka, dzie raniej chavalisia rasijskija sałdaty. Hetaje i astatnija fota: Wall Street Journal.

Reštki budynka, dzie raniej chavalisia rasijskija sałdaty. Hetaje i astatnija fota: Wall Street Journal.

Vaźniasiensk znachodzicca za niekalki dziasiatkaŭ kiłamietraŭ ad čarnamorskaha ŭźbiarežža, niedaloka ad Mikałajeva, jaki mocna abstrelvajuć rasijanie, i trochi dalej ad akupavanaha rasijanami Chiersona. Kali b rasijskija vojski ŭziali Vaźniasiensk, heta dapamahło b im abłažyć Adesu z paŭnočnaha ŭschodu — kirunku, dzie rasijanie ŭžo niekalki razoŭ sprabavali vysadzicca z mora. Zachop Adesy, u svaju čarhu, dapamoh by rasijskaj armii zabiaśpiečyć kantrol nad usim poŭdniem Ukrainy, piša Wall Street Journal.

Ale ž u dvuchdzionnaj bitvie za Vaźniasiensk usio paviarnułasia suprać akupantaŭ. Miarkujučy pa reštkach rasijskaj vajennaj techniki, 2-3 sakavika ŭkrainskija siły źniščyli bolšuju častku ich bataljonna-taktyčnaj hrupy.

Taki pośpiech ukraincaŭ u baraćbie z armijaj, jakaja maje značna lepšaje ŭzbrajeńnie, častkova źviazany ź vialikaj padtrymkaj hetaj baraćby siarod prostych ukraincaŭ. Heta jašče i adna z pryčyn taho, čamu pakul rasijskaje ŭvarvańnie nie dasiahnuła svaich hałoŭnych metaŭ.

Jak śviedčać ułady Vaźniasienska, rasijskija sałdaty, što pieražyli bitvu, pakinuli na poli boju 30 z 43 tankaŭ, hruzaviki, braniravany transpart dla pieravozki asabovaha składu, šmatstvolnyja reaktyŭnyja ŭstanoŭki i navat źbity viertalot Mi-24. Pa acenkach ukraincaŭ, u Vaźniasiensku zahinuli niedzie 100 rasijskich sałdat i 12 ukrainskich, niekatoryja rasijanie trapili ŭ pałon.

Jak prachodziła bitva

Jašče da pačatku rasijskaj ataki bierahi raki Miertvavod, što znachodzicca kala Vaźniasienska, byli pierakapanyja, tamu braniravany transpart nie moh pierasiekčy raku. Miascovyja žychary błakiravali bolšaść vulic, kab zamanić rasijskuju kałonu tudy, dzie artyleryja mahła b jaje lohka atakavać. Taksama ŭkrainskija siły ŭzarvali dva masty.

Rasijski napad pačaŭsia z mocnych abstrełaŭ centralnaj častki horada. Paralelna z hetym u lesie na ŭskrajku horada ź viertalotaŭ vysadzilisia rasijskija desantniki, a ź inšaha boku ŭ Vaźniasiensk pajšła kałona braniravanaha transpartu.

Rasijskija sałdaty, što chavalisia ŭ palach i sielskich budynkach, trapili pad mocny ŭkrainski abstreł. Ahoń artylerystaŭ nakiroŭvali miascovyja žychary z terabarony, jakija dzialilisia z ukrainskaj armijaj kaardynatami voraha praź miesiendžar Viber. Vynik — pramoje papadańnie ŭ niekatoryja z elemientaŭ kałony.

Tym časam inšyja ŭkrainskija sałdaty i bajcy terabarony pieššu nablizilisia da rasijskich pazicyj i adkryli pa ich ahoń ź pieranasnych rakietnych kompleksaŭ Javelin. Kali rasijski transpart zahareŭsia, sałdaty pakinuli jaho i źbiehli z pola boju abo pieššu, abo na bronietransparciorach, u jakich jašče było paliva. Jany pakinuli bojeprypasy.

Niedzie 15 rasijskich tankaŭ i transpartnych srodkaŭ, što zastalisia ŭ Vaźniasiensku, cełyja ci mohuć być adramantavanyja.

Paśla bitvy za Vaźniasiensk u horadzie adnaviłasia padača elektryčnaści, bolš niama pierabojaŭ ź internetam, hazam i vadoj. U bankamatach jość hrošy, u supiermarkietach — ježa. Ciapier front užo daloka, i horad pacichu pryzvyčajvajecca da mirnaha žyćcia.

Top kultavych antyvajennych stužak, kab nahadać sabie, nakolki kaštoŭny mir

Ukrainski influensier: Pra bataljon Kastusia Kalinoŭskaha nam varta viedać nie mienš, čym pra «Azoŭ»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?