Ihar Hirkin. Fota Wikimedia Commons.

Ihar Hirkin. Fota Wikimedia Commons.

Manarchist i pravasłaŭny fundamientalist, Ihar Hirkin — ikona rasijskich šavinistaŭ.

Napad Rasii na Ukrainu Hirkin vitaŭ z entuzijazmam. «Siejčas — na našich hłazach — proischodit sobytije istoričieskoho značienija. Ischod načavšiehosia sražienija na mnohije hody (vozmožno — na diesiatiletija i dažie boleje) riešit našie buduŝieje: Hosudarstva, Strany i (hłavnoje) Naroda», — napisaŭ jon 24 lutaha.

Užo na nastupny dzień źjaŭlajecca dopis: «Kali niechta dumaŭ, što vajna budzie lohkaj i biaskroŭnaj — to jon pamylaŭsia. Ale heta byŭ dakładna nie ja».

Na treci dzień, 26 lutaha, kamientujučy padziei na froncie, Hirkin adznačaje niekatoryja pośpiechi rasijskich vajskoŭcaŭ, ale adznačaje, što temp nastupu zapavoliŭsia, a razhrom Uzbrojenych sił Ukrainy pieratvarajecca va ŭsio bolš addalenuju pierśpiektyvu. «Vidavočny bujny pralik, vyklikany, vierahodna, niapravilnaj acenkaj abstanoŭki i «šapkazakidalnictvam».

Užo na druhi dzień vajny źjaŭlajecca emacyjny zaklik da rasijskich uładaŭ — «pačynajcie ŭžo častkovuju mabilizacyju, idyjoty!»

U adroźnieńnie ad aficyjnaj rasijskaj prapahandy, Hirkin nie ŭžyvaje eŭfiemizmaŭ nakštałt «śpiecyjalnaja apieracyja», a nazyvaje padziei va Ukrainie poŭnamaštabnaj vajnoj. U dopisie za 1 sakavika Hirkin piša, što vajna nie budzie ni lohkaj, ni chutkaj, navat kali ŭkrainskaje vojska budzie razhromlenaje.

«Asabista mnie niezrazumieła — čamu ŭ ciapier užo hłybokim tyle rasijskich vojskaŭ i na takim važnym abjekcie — nie zmahli zabiaśpiečyć nadziejny kantrol za abstanoŭkaj. Vierahodna, usio taja ž užo nie raz adznačanaja mnoj prablema — «udar rastapyranymi palcami» va ŭmovach niedaacenki sił i srodkaŭ supiernika i zusim niapravilnaja acenka apieratyŭnaj abstanoŭki — pryviali da niedachopu sił i srodkaŭ USIUDY», — apisvaje Hirkin padziei 4 sakavika ŭ Enierhadary i na Zaparožskaj AES.

U toj ža dzień źjaŭlajecca dopis ab tym, što Rasija ruchajecca ŭ kirunku dyktatury, što, na jahonuju dumku, niepaźbiežna i nieabchodna.

Hirkin skieptyčna stavicca da rastyražavanaj rasijskaj prapahandaj infarmacyi ab siryjskich dobraachvotnikach: «Dobraachvotniki patrebnyja adkul zaŭhodna — ale tolki nie ruskija z Rasii. Karyści ad hetych 16 tysiač blizkaŭschodnich «dobraachvotnikaŭ» — budzie niašmat. Škody, upeŭnieny, budzie niamała, — piša pałkoŭnik. — I čym daŭžej u Kramli buduć «žavać sopli» u nadziei, što atrymajecca abyścisia voś takim (sumnieŭnaj kaštoŭnaści, miakka kažučy) «padmacavańniem» — tym daŭžejšaj, bolš kryvavaj i razburalniej (i dla RF u tym liku) budzie vajna».

Niehledziačy na bravurnyja pramovy Kadyrava pra ŭdzieł u vajnie čačencaŭ, Hirkin zaznačaje, što ŭ bajach pad Maryupalem jany ŭdziełu nie biaruć, i vysoŭvaje try hipotezy čamu tak zdaryłasia:

«— Čačency zanadta darahija sercam našych kamandujučych, za ich žyćci i zdaroŭje kamandavańnie pieražyvaje.

— Kamuści ž treba budzie potym «pazavać na fonie pieramohi»? A čačency badzioryja, mužnyja, spartovyja, vydatna ekipiravanyja. I na kamieru buduć vyhladać vielmi samavita.

— Kamandavańnie prosta baicca potym adkazvać pierad Kadyravym za niepaźbiežnyja straty.

A ruskija? — A ruskich nie škada… 70% paranienych chvoryja «kavidam». Amal usie nie paranienyja — chvoryja ci tym ža samym, ci prosta vostrymi prastudnymi zachvorvańniami. Pieradavyja častki žyvuć na padnožnym kormie. Zrešty — heta nie navina. U Čačni padčas dźviuch vojnaŭ było hetak ža».

U apošnija dni dopisy Hirkina robiacca ŭsio bolš horkimi. «Rasijskija vojski tryvała «zaviaźli» ŭsiudy. Mabilizacyi niama. Učora prezident navat słovam nie namiaknuŭ na jaje mahčymaść. A biez mabilizacyi pieramohu nad tak zvanaj «Ukrainaj» atrymać niemahčyma «ad słova naohuł», — piša pałkoŭnik 19 sakavika.

Raźbitaja rasijskaja technika pad Sumami. Fota z sacsietak.

Raźbitaja rasijskaja technika pad Sumami. Fota z sacsietak.

Niderłandy abviaścili pra kryminalny pieraśled Strałkova pa spravie źbitaha nad Danbasam «Boinha»

Strałkoŭ-Hirkin zrabiŭ niekalki siensacyjnych pryznańniaŭ u intervju Hardonu

Strałkoŭ-Hirkin: U DNR vajujuć bamžy, ałkaholiki i narkamany

Клас
0
Панылы сорам
0
Ха-ха
0
Ого
0
Сумна
0
Абуральна
0