Sustreča prezidenta Ukrainy Uładzimira Zialenskaha z premjerami Słavienii, Čechii i Polščy. Fota: Pres-ofis prezidenta Ukrainy / AP
Novy prajekt źjaviŭsia dziakujučy vizitu ŭ Kijeŭ na minułym tydni premjera i vice-premjera Polščy, a taksama kiraŭnikoŭ uradaŭ Čechii i Słavienii. Padčas toj sustrečy polski vice-premjer zrabiŭ prapanovu arhanizavać uzbrojenuju miratvorčuju misiju ad NATA i, mahčyma, inšych mižnarodnych arhanizacyj. Uvod miratvorcaŭ stanie mahčymy tolki ŭ vypadku zhody Kijeva.
Prajekt pakul što sakretny. Jaho raspracoŭvajuć polskaje ministerstva abarony i lidary kiraŭničaj partyi «Prava i spraviadlivaść». U kansultacyjach taksama ŭdzielničaje kancylaryja polskaha prezidenta i Biuro nacyjanalnaj biaśpieki krainy.
Krynicy Onet śćviardžajuć, što pamiž prezidenckaj kancylaryjaj i ŭradam jość roznahałośsi ŭ ich razumieńni mirnaj misii. Polski prezident Andžej Duda nie daść zhody na prajekt misii, pakul ZŠA nie daduć na jaho zialonaje śviatło.
Tamu jašče da samita NATA prajekt budučaj misii nakirujuć u Vašynhton, i rašeńnie ZŠA vyznačyć los apieracyi.
Zhodna z krynicami polskich žurnalistaŭ, pamier mižnarodnaha miratvorčaha kantynhientu maje składać da dziesiaci tysiač čałaviek. Płanujecca, što miratvorcy buduć harantavać biaśpieku humanitarnych pastavak i kalidoraŭ, u tym liku stvarać nad imi biespalotnuju zonu.
Siarod mahčymych varyjantaŭ jość i ideja zakryć nieba nad najvialikšymi ŭkrainskimi haradami. Heta dapamoža abaranić ich nasielnictva ad bombavych i rakietnych atak.
Dačka Uładzimira Maškova: Baćka paprasiŭ mianie z dočkami viarnucca ŭ Rasiju i paprasić prabačeńnia za zdradu
Maryupal pakinuli apošnija žurnalisty, jakija tam zastavalisia. Jany raskazali ŭ detalach toje, što bačyli na svaje vočy
