— «Śmiašaryki» — dziciačy prajekt, jaki zaŭsiody byŭ i zastajecca pa-za palitykaj. Scenaryj da sieryi byŭ napisany hod tamu, i tady nichto nie moh vykazać zdahadku, što niekatoryja ŭ im słovy patencyjna mohuć być vostra ŭspryniatyja. U kantekście siońniašniaj situacyi my paličyli pravilnym prybrać słovy «vajnuška» i «zachopniki». Ciapier aŭdytoryja asabliva čujna i emacyjna reahuje na hetuju temu, a my z kłopatam i pavahaj stavimsia da našych hledačoŭ. Bo «Śmiašaryki» hladziać, kab pahruzicca ŭ dobry śviet lubimych animacyjnych hierojaŭ, dla ŭsiaho astatniaha jość inšyja miedyja.
Raniej, 22 sakavika, karystalnica Tvitara ź nikam Pochuchal zajaviła, što słova «zachopniki», skazanaje Niušaj u vypusku pra badminton, vyrazali, a «vajnušku» ŭ frazie Baraša zamianili na «potasovku». Na 24 sakavika tvit byŭ vydaleny, adnak jaho zachavaŭ Medialeaks. Pavodle skrynšota, karystalnica pradstaŭlajecca žonkaj režysiora sieryjała «Śmiašaryki».
