Telehram-kanał Antona Matolki śćviardžaje, što ŭčorašnija prablemy z dostupam da sajtaŭ — uzłom, arhanizavany ŭkrainskimi chakierami «BanderaHackers». Paviedamlajecca, što im ŭdałosia atrymać dostup da ŭnutranaj sietki i kantrol nad usimi klučavymi vuzłami, dziaržrejestrami i kampjutarami.
Byli ŭzłamanyja sajty: BiełDISS, Dziaržstandarta, DSKP, zavoda «Etałon», STB i jašče bolš za 30 staronak.
Infrastruktura i bazy danych BiełDISS i Dziaržstandarta źniščanyja, vydalenyja bolš jak 80 TB standartaŭ, siertyfikataŭ, aktaŭ, daśledavańniaŭ, pravavoj dakumientacyi. Vykradzienyja piersanalnyja źviestki, paroli da ŭlikovych zapisaŭ, unutranaja prajektnaja dakumientacyja i zakrytaje PZ.
Kali vy pracujecie na pradpryjemstvach, čyje sajty i ŭnutranyja dakumienty byli ŭzłamanyja, napišycie nam u @nasa_niva_bot.
