Sudalenka znachodzicca ŭ papraŭčaj kałonii №3 «Vićba» z 27 studzienia. U niadaŭnim liście žoncy jon paviedamiŭ, što z tych časoŭ listoŭ nie atrymlivaŭ. Dniami jahony siabar Vasil Palakoŭ napisaŭ zajavu načalniku kałonii z patrabavańniem nie pieraškadžać pierapiscy i pieradać listy Leanidu, piša Reform.by.
U adkaz administracyja napisała, što «usia karespandencyja, jakaja pastupaje na imia asudžanaha Sudalenki Ł. Ł., jamu vydajecca ŭ adpaviednaści ź dziejučym zakanadaŭstvam». Palakoŭ źbirajecca źviarnucca ŭ Departamient vykanańnia pakarańniaŭ.
Leanida Sudalenku zatrymali ŭ studzieni 2021 hoda i ŭ vieraśni asudzili pavodle č. 1 i 2 art. 342 KK na try hady kałonii, abvinavaciŭšy ŭ finansavańni i arhanizacyi dziejańniaŭ, jakija hruba parušajuć hramadski paradak.
