«Ministerstva zamiežnych spraŭ Ukrainy siońnia nakiravała MZS Biełarusi aficyjnuju notu ab rašeńni ŭkrainskaha boku skaracić kolkaść piersanału pasolstva Biełarusi va Ukrainie da piaci čałaviek. Dypłamatyčnaja akredytacyja astatnich supracoŭnikaŭ biełaruskaj ambasady admianiajecca, a ich i členaŭ ich siemjaŭ znachodžańnie na terytoryi Ukrainy abjaŭlajecca niepažadanym», — havorycca ŭ zajavie pradstaŭnika MZS Ukrainy. Pra heta paviedamiła 24 sakavika ahienctva UNIAN.
19 sakavika stała viadoma, što častka biełaruskich dypłamataŭ pakinuła Ukrainu.
Na pamiežnym pierachodzie Mahiloŭ-Padolski ŭkrainski aficer-pamiežnik sprabavaŭ uručyć biełaruskamu pasłu Iharu Sokału 30 siarebranikaŭ dla staršyni Dziaržaŭnaha pamiežnaha kamiteta Biełarusi Anatola Łapo za toje, što ź biełaruskaj terytoryi rasijskija vojski ŭvajšli va Ukrainu.
22 sakavika KDB Biełarusi zajaviŭ, što supracoŭniki ŭkrainskaj ambasady ažyćciaŭlali ŭ Biełarusi ahienturnuju raźviedku.
23 sakavika Biełaruś prapanavała bolšaści ŭkrainskich dypłamataŭ pakinuć krainu. Pres-sakratar Ministerstva zamiežnych spraŭ Anatol Hłaz paviedamiŭ, što konsulstva ŭ Breście budzie zakrytaje. A ŭ pasolstvie ŭ Minsku zastaniecca tolki piać supracoŭnikaŭ.
Ci varta niepakoicca z-za adjezdu biełaruskich dypłamataŭ z Kijeva? Ci značyć heta, što biełaruskija vajskoŭcy ŭvojduć va Ukrainu?
