Fota: pmnewswire.com

Fota: pmnewswire.com

Sinopec Group — najvialikšaja kampanija pa pierapracoŭcy nafty ŭ Azii, kancern kantralujecca dziaržavaj. Žadańnie Sinopec pastavić na paŭzu mahčymyja inviestycyi ŭ paŭmiljarda dalaraŭ padkreślivajuć, nakolki ryzykoŭna navat dla Kitaja, samaha važnaha dypłamatyčnaha partniora Rasii, uzajemadziejničać ź joj va ŭmovach žorstkich zachodnich sankcyj, piša Reuters.

Piekin nieadnarazova ahučvaŭ niazhodu z sankcyjami i žadańnie zachavać zvyčajnyja ekanamičnyja i handlovyja adnosiny z Maskvoj. Kitaj taksama admaŭlajecca asudžać napad Maskvy na Ukrainu ci navat nazyvać heta ŭvarvańniem.

Ale na samoj spravie kitajski ŭrad naściarožana stavicca da mahčymaści taho, što miascovyja kampanii trapiać pad sankcyi praz handal z Rasijaj. Piekin ciśnie na kampanii i patrabuje ŭvažlivaści ź inviestycyjami ŭ ekanomiku Rasii — krainy, jakaja źjaŭlajecca druhim pastaŭščykom nafty i trecim pastaŭščykom haza ŭ Kitaj.

Krynicy Reuters śćviardžajuć, što z pačatku rasijskaha ŭvarvańnia kampanii Sinopec, China National Petroleum i China National Offshore Oil — try hałoŭnyja enierhietyčnyja hihanty Kitaja, što naležać dziaržavie — zajmajucca acenkaj upłyvu sankcyj na ich šmatmiljardnyja inviestycyi ŭ rasijskuju ekanomiku. Zaraz jany nie majuć mahčymaści samastojna vyrašać pytańnie pra novyja inviestycyi i vymušanyja vykonvać zahady Piekina.

Chto ź miljarderaŭ straciŭ najbolš hrošaj praz nastupstvy vajny va Ukrainie

«Rasijskija vajskoŭcy nie majuć zvyčki źbirać cieły zahinułych i nie zaŭsiody padbirajuć paranienych — tańniej napisać «źnik bieź źviestak»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?