Fota: Mantas Zinkievičus, Delfi
Kampanija Baltijos tyrimai praviała apytańnie z 22 lutaha pa 3 sakavika. Žycharoŭ paprasili vykazać svajo mierkavańnie pra 12 krain śvietu: u ankiecie było 7 susiedziaŭ Litvy i 5 bujnych krain śvietu. Apytańnie pakazała, što Ukraina znachodzicca ŭ liku krain, jakija aceńvajuć najlepš za ŭsio. Vielmi spryjalna jaje aceńvajuć 28% respandentaŭ, jašče 52% aceńvajuć krainu spryjalna.
Spryjalnuju acenku atrymała i Polšča: 24% acanili vielmi spryjalna i 64% chutčej spryjalna. Dalej iduć Łatvija (21% i 69%), Estonija (19% i 68%), ZŠA (19% i 51%), Šviecyja (17% i 65%), Francyja (16% i 67%), Hiermanija (14% i 67%) i Vialikabrytanija (14% i 64%). Astatnija try krainy — Biełaruś, Rasija i Kitaj — atrymlivajuć mienš spryjalnuju acenku. Rasija — jak kraina, jakaja pačała vajnu va Ukrainie, Biełaruś — jak kraina, jakaja dapamahaje niezakonnaj ahresii. Kitaj zhadvajecca nie tolki ŭ kantekście adkryćcia pradstaŭnictva Tajvania ŭ Litvie, ale i jak kraina, jakaja navat paśla pačatku vajny va Ukrainie spryjalna aceńvaje Kreml.
Biełaruś niespryjalna acanili 39%, a chutčej niespryjalna — 34%, Rasiju — adpaviedna 59% i 24%, Kitaj — 20% i 44%.
Biełaruś spryjalna aceńvajuć mienš za 1/5 respandentaŭ (3% vielmi spryjalna i 15% chutčej spryjalna), 3/4 aceńvajuć krainu niespryjalna (39% vielmi niespryjalna i 34% niespryjalna, 9% nie adkazali na pytańnie).
Krychu bolš spryjalna Biełaruś acanili žychary starejšyja za 50 hadoŭ, piensijaniery, rabočyja i fiermiery, ruskija i palaki.
Pavodle źviestak apytańnia Baltijos tyrimai, palaki, jakija žyvuć u Litvie, adzinaja hrupa respandentaŭ, jakaja aceńvaje Biełaruś spryjalna (45%), a niespryjalnych acenak u hetaj hrupie było 33%.
