Viartańnie vahonaŭ ź Finlandyi ŭ Rasiju pakul praciahniecca. Pa słovach starejšaha vice-prezidenta VR Transpoint Marci Koskiniena, praciah hruzavych pieravozak niemahčymy z-za sankcyj, nakładzienych na rasijskuju čyhunku. «VR Group abaviazanaja vykonvać sankcyi, uviedzienyja zachodnimi krainami», — zajaviŭ jon.
Raniej stała viadoma, što ruch ciahnikoŭ «Alehra», jakija złučajuć Chielsinki i Sankt-Pieciarburh, z 28 sakavika budzie spynieny na niavyznačany termin. VR Group 1 sakavika zajaviŭ ab spynieńni supracoŭnictva z rasijskaj čyhunkaj.