Fota: probusiness.io
Tak, list z prośbaj ab ekanomii papiery pryšoŭ rabotnikam handlovaj sietki «Santa».
«Razasłali ŭžo na nastupny dzień paśla vajny, bo pastaŭščyki pačali prypyniać uvoz tavaru. Ale pakul vostraha deficytu niama», — raskazvajuć tam.
Supracoŭnik inšaha vialikiha rytejlera ŭ Minsku apisvaje:
«Ciapier usie akty drukujem na vykarystanaj papiery, na jaje advarotnym čystym baku. Dyrektar stroha papiaredziŭ pra adkaznaść, sam praviaraje. I navat surjoznyja dakumienty dla ofisa na čarnavikach drukujem. Čakajem inšaj idei dla ekanomii, bo chutka i heta siabie vyčarpaje».
«Zamiest čatyroch pačak na miesiac vydali dźvie. Inšym filijałam pa pałovie ŭpakoŭki. Akty vykananych rabot skazali drukavać nie na piaci arkušach, jak raniej, a na dvuch», — dzielicca čałaviek ź Biełaruskaha ŭpraŭleńnia miechanizacyi.
Prośby ekanomić papieru hučać i ŭ dziaržaŭnych ustanovach adukacyi.
«Była parada davać dakumienty dla vyčytki ŭ elektronnym vyhladzie, škadavać papieru», — kažuć u adnoj z ustanoŭ.
U «Piatym Elemiencie» ŭ kancy sakavika razasłali list z takim tekstam:
«U suviazi z ekanamičnaj situacyjaj u krainie ŭviedzienaja strohaja ekanomija papiery A4 u cełym, a siońnia biełaj papiery jašče stražej. Druk navat piarvičnych dakumientaŭ ažyćciaŭlajecca z dvuch bakoŭ. Maksimalna vykarystoŭvajem čarnaviki. Rekamienduju pierabrać staryja niepatrebnyja dakumienty i zrabić sartavańnie dla čarnavikoŭ».
Skrynšot: čytač «NN»
Z pačatku sakavika ceny na ofisnuju papieru ŭ Biełarusi vyraśli ŭ try razy. Tak, 3 sakavika cana była 11 rubloŭ za pačak, 23-ha jana značna padskočyła — da 50 rubloŭ. Ciapier biełaja papiera kaštuje 33 rubli.
Fota: skrynšot z katałoha Onliner
Ofisnaja papiera SvetoCopy vyrablajecca ŭ Rasii. Tam ceny na jaje taksama vyraśli, minimum u try razy. Prablema — u pastaŭcy chimikataŭ na zavody.
«Adna z pryčyn situacyi na rynku papiery — deficyt adbielvalnika. Jon zakuplajecca pieravažna ŭ Jeŭropie. Zamiežnyja kampanii nie admovilisia ad pastavak, ale parušeńnie łahistyčnych łancužkoŭ pryviało da ryzyki niedachopu pradukcyi, a ažyjatažny popyt, jaki źjaviŭsia uśledam, stymulavaŭ padjom cen», — kazaŭ vykanaŭčy dyrektar Asacyjacyi kancylarskaha rynku Rasii Dźmitryj Dałhoŭ.
U takich umovach Śvietahorski celułozna-papiarovy kambinat u Leninhradskaj vobłaści SvetoCopy naładziŭ vypusk pradukcyi biez deficytnych bialiłaŭ. Žoŭtuju papieru prezientujuć jak «koleru słanovaj kości». Dla jaje vytvorčaści nie vykarystoŭvajucca chimikaty na asnovie chłoru i aptyčnych adbielvalnikaŭ. Jak zajaŭlajuć na pradpryjemstvie, jana całkam padychodzić dla vykarystańnia ŭ ofisnaj technicy i navat lepšaja za biełuju papieru, bo nie reža voka.
«Ceny navat u valucie vyraśli da 30%». Što adbyvajecca z novymi aŭtamabilami ŭ Biełarusi
