Fota: Kommiersant
U Rasii za apošnija niekalki hadoŭ značna vyrasła papularnaść piva ŭ aluminijevych blašankach, tamu niedachop padobnaha vidu ŭpakoŭki moža zakranuć tracinu pradukcyi, jakaja vypuskajecca ŭ takoj tary. Pavodle Asacyjacyi vytvorcaŭ piva (AVP, abjadnoŭvaje AB InBev Efes, «Bałtyka» i Heineken), na aluminijevyje blašanki prypadaje bolš za 30% rynku ŭ kolkaści adzinak upakoŭki, piša «Kommiersant».
«Na praciahu apošnich hadoŭ hety vid tary karystajecca papularnaściu ŭ spažyŭcoŭ, bo hetaja ŭpakoŭka kampaktnaja i lohkaja. Prodažy piva ŭ blašankach pakazvali značny rost. Vytvorca, jaki abviaściŭ ab sychodzie z rynku, źjaŭlajecca adnym ź jaho lidaraŭ. Za adzin raz zamianić vybyvańnie značnaha abjomu ŭpakoŭki budzie składana», — havorycca ŭ zajavie AVP.
Pry hetym u AVP raźličvajuć, što rezkaha skaračeńnia nie adbudziecca. U asacyjacyi miarkujuć, što ŭ pradpryjemstvaŭ moža źjavicca novy ŭłaśnik, jaki zabiaśpiečyć patreby rynku. Akramia taho, u doŭhaterminovaj pierśpiektyvie vytvorčaść pivavarnaj pradukcyi možna pieraklučyć z aluminijevaj blašanki na inšyja vidy ŭpakoŭki, naprykład, na škło abo PET (polietylentereftałat).
Raniej bujny vytvorca aluminijevaj ŭpakoŭki amierykanskaja Ball Corporation vyrašyła začynić biznes u Rasii i zajaviła pra namier spynić pracu svaich zavodaŭ u krainie. Kampanija płanuje pradać rasijski biznes novamu ŭładalniku.
