Pytańnie ab stanie zdaroŭja Uładzimira Pucina zadaŭ były hałoŭred radyjostancyi «Echo Moskvy» Alaksiej Vieniadziktaŭ. Jon pacikaviŭsia ŭ pres-sakratara, ci chvory rasijski lidar na rak ščytapadobnaj załozy i ci rabili jamu niejkija apieracyi, źviazanyja z ankałohijaj.
Piaskoŭ zajaviŭ, što hetyja śćviardžeńni «vydumki i niapraŭda».
— Ci dakładna ja razumieju, što Uładzimir Pucin nie chvory na rak? — udakładniŭ Vieniedyktaŭ.
— Dakładna, — adkazaŭ Piaskoŭ.
Nahodaj dla razmovy pra zdaroŭje Uładzimira Pucina stała rasśledavańnie, padrychtavanaje žurnalistami vydańnia «Prajekt». Materyjał hruntujecca na śpisie piersanalnych daktaroŭ, jakija supravadžajuć prezidenta Rasii ŭ jaho pajezdkach.