Z 00:00 3 krasavika dla hramadzian Biełarusi ŭjezd u krainu i vyjezd nieabmiežavanyja. PŁR-test (siertyfikat ab vakcynacyi) nie patrabujecca.
Dla zamiežnych hramadzian i asob biez hramadzianstva ŭjezd u Biełaruś i vyjezd taksama nieabmiežavany. Razam z tym, dla ŭjezdu zamiežnikam nieabchodny PŁR-test (siertyfikat ab vakcynacyi).
PŁR-test (siertyfikat) nie patrebny dla ŭjezdu ŭ Biełaruś zamiežnikam, jakija prybyvajuć u suviazi z sacyjalna-palityčnym stanoviščam va Ukrainie, a taksama tym, chto śleduje tranzitam praz terytoryju inšych krain.
Zamiežnym hramadzianam, jakija jeduć z Ukrainy da miesca pastajannaha pražyvańnia, dazvoleny biaźvizavy ŭjezd na terytoryju Biełarusi da 15 krasavika ŭklučna.
Hramadzianam Rasii dla ŭjezdu ŭ Biełaruś praź biełaruska-rasijski ŭčastak miažy PŁR-test (siertyfikat) nie patrebny.
Pamiežniki nahadvajuć, što pamiežny kantrol na biełaruska-rasijskaj miažy biełaruskim bokam nie ažyćciaŭlajecca jak na naziemnym učastku, tak i ŭ aeraportach.
Naziemnyja miežy na vyjezd ź Biełarusi byli zakrytyja z 21 śniežnia 2020 hoda.
Kab pajechać u susiedniuju krainu «pa ziamli», biełarusam patrebnyja byli padstavy: kamandziroŭka, zaprašeńnie na pracu, lačeńnie i hetak dalej.