Alaksandra Jakaŭleva ŭ filmie «Čaradziei»
Viadoma, što kala piaci hadoŭ tamu ŭ Jakaŭlevaj dyjahnastavali rak małočnaj załozy. Ab baraćbie z chvarobaj jana raspaviadała ŭ svaim instahramie, ale apošnija niekalki miesiacaŭ nie abnaŭlała staronku.
Alaksandra Jakaŭleva najbolš viadomaja hledačam pa savieckich filmach «Čaradziei», «Ekipaž», «Čałaviek z bulvara Kapucynaŭ».
Alaksandra Jakaŭleva naradziłasia ŭ 1957 hodzie ŭ Kalininhradzie. Svajo proźvišča Ivanies źmianiła na proźvišča dzieda. Z kino syšła ŭ 1993-m. Była namieśnikam mera Kalininhrada, deputatam harsavieta, zajmała kirujučyja pasady na čyhunkach i ŭ aeraportach Šaramiećcieva i Pułkava. Była siabram partyi «Jabłyk».
Jana była trojčy zamužam, druhim jaje mužam byŭ televiadučy Alaksandr Niaŭzoraŭ, a trecim — estonski spartsmien Kalju Aaśmiae. Tamu pad hetym proźviščam jana paznačana, naprykład, u filmie «Čałaviek z bulvara Kapucynaŭ».
