Tak, siońnia nočču ŭ Mazyry aŭtamabil rasijskich vajskoŭcaŭ apynuŭsia na adchonie vulicy Ryžkova.

A na trasie Homiel — Mazyr kala Barščoŭki siońnia sutyknulisia mikraaŭtobus i rasijski vajskovy furhon UAZ. 

1 krasavika na trasie kala Rečycy byli zafiksavanyja raźbity lehkavik i hruzavik. Kanał motolkohelp paviedamlaje, što kiroŭca hruzavika zahinuŭ.

Homielskaje abłasnoje ŭpraŭleńnie MNS apublikavała infarmacyju ab ratavalnaj apieracyi na miescy DTZ, jakoje adbyłosia ŭ Rečyckim rajonie na trasie M-10 pablizu vioski Ivanaŭka. Sutyknulisia «Falksvahien B4», 1994 h. v. i hruzavik «Miersiedes».

Adnak, najaŭny videazapis ź miesca DTZ, zrobleny 1 krasavika ŭ 07:03, pakazvaje, što kabina hruzavika była całkam raźbitaja, a pierad hruzavikom staić rasijskaja vajennaja technika: 2 BTRy i KamAZ sa znakami «V».

DTZ na toj ža rečyckaj trasie (M10) 1 krasavika. Sutyknieńnie bronietechniki rasijskich vajennych z hruzavikom, jaki pieravoziŭ pradukty.

Miarkujecca, što kiroŭca hruzavika nie zaŭvažyŭ kałonu rasijskaj bronietechniki, jakaja pierasoŭvałasia nočču.

Taksama 1 krasavika vajskovaja kałona źniesła astrovak biaśpieki na pierakryžavańni vulic Iljiča i Žamčužnaj.

Usiaho viadoma pra jak minimum šeść zdareńniaŭ z udziełam rasijskaj vajskovaj techniki, što ciapier adstupaje z-pad Kijeva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?