Na pačatku sakavika ŭ Snovie supracoŭniki HUBAZiKa zatrymali miascovaha žychara, jaki žyvie ŭ pryvatnym domie. Milicyjantam nie spadabaŭsia nadpis «Pieramien» čyrvonym koleram na biełaj ścianie haspadarčaj pabudovy, tamu na mužčynu skłali pratakoł pa art. 24.23 KaAP (niesankcyjanavanaje pikietavańnie).

Na ścianie, akramia nadpisa, byŭ i vialiki murał z vyjavaj «dydžejaŭ pieramien» pamieram kala dvuch mietraŭ.

Na sudzie mužčyna svaju vinu całkam pryznaŭ i patłumačyŭ, što malunak na ścianu nanios jašče ŭ kastryčniku 2020 hoda ŭ znak pratestu. U vyniku 7 sakavika sud pryznaŭ jaho vinavatym i aryštavaŭ na 15 sutak.

Raniej za abaronu murała Płoščy Pieramien na 8,5 hoda pasadzili minskaha arbarysta Ściapana Łatypava.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?