MZS Vialikabrytanii.
Pavodle jaje słoŭ, režymu ŭ Maskvie bolš niedastupnyja «bolš za 60 adsotkaŭ valutnych reziervaŭ», paviedamiła ŭ sieradu, 6 krasavika, kiraŭnica brytanskaha MZS Liz Tras padčas vizitu ŭ Polšču.
Ahulny pamier rasijskich reziervaŭ składaje 604 miljardy dalaraŭ.
Tras padkreśliła, što «skaardynavanyja sankcyi adkidvajuć rasijskuju ekanomiku ŭ savieckuju eru». «Ale my možam i pavinny zrabić bolš», — zajaviła jana, zaklikaŭšy zabaranić rasijskim karablam zachodzić u zachodnija party i «ŭzhadnić vyrazny hrafik spynieńnia impartu rasijskaj nafty, vuhalu i hazu».
Akramia taho, kiraŭnik MZS Vialikabrytanii zaklikała partnioraŭ pa NATA i «Vialikaj siamiorcy» ŭvieści abmiežavańni ŭ dačynieńni da halin pramysłovaści, jakija papaŭniajuć vajennuju kaznu prezidenta RF Uładzimira Pucina. U suviazi z hetym jana zhadała zołatazdabyču.
