Pres-słužba Biełaha doma zamiest aficyjnaha paviedamleńnia pryvodzić na aficyjnym sajcie nastupny niefarmalny dyjałoh:
Žurnalist: Ci adpravicie vy aficyjnych asob va Ukrainu? Vy adpravicie vysokapastaŭlenych čynoŭnikaŭ va Ukrainu?
Bajden: My prymajem heta rašeńnie zaraz. Dziakuj.
Žurnalist: Kaho vy pašlacio?
Bajden: Vy hatovyja jechać?
Žurnalist: A Vy?
Bajden: Tak.
U toj ža čas CNN sa spasyłkaj na krynicy piša, što amierykanskija čynoŭniki praviali papiarednija abmierkavańni adnosna adpraŭki va Ukrainu vysokapastaŭlenaha člena Administracyi prezidenta ZŠA.
«Choć Bajden i vice-prezident Kamała Harys naŭrad ci sami naviedajuć Kijeŭ u bližejšy čas, čynoŭniki abmiarkoŭvali mahčymaść kamandziroŭki ministra abarony Łojda Ościna abo dziaržsakratara Entani Blinkiena», — havorycca ŭ materyjale CNN.
Krynicy vydańnia, praŭda, śćviardžajuć, što rašeńnie jašče daloka nie kančatkovaje i vizit u rešcie rešt moža nie adbycca.
