Ludmiła Dzianisava. Fota: Ukrinfarm
Siarod inšaha Ofis upaŭnavažanaj Viarchoŭnaj Rady Ukrainy pa pravach čałavieka fiksuje šmat złačynstvaŭ seksualnaha charaktaru, prytym jość fakty zhvałtavańniaŭ nie tolki žančyn i dziaŭčat, ale i dziaciej, u pryvatnaści chłopčykaŭ, a taksama mužčyn, ludziej pažyłoha ŭzrostu.
«Dakładnuju kolkaść padobnych złačynstvaŭ my nie možam nazvać zaraz, ale jany nosiać masavy charaktar. My kožny dzień znachodzim dokazy takich złačynstvaŭ», — skazała Dzianisava.
Naprykład, za minułyja sutki na haračuju liniju ŭpaŭnavažanaha pa pravach čałavieka za atrymańniem psichałahičnaj dapamohi ŭ vyniku zhvałtavańnia rasijskimi vajskoŭcami źviarnulisia 53 čałavieki i tolki troje ź ich dali dazvoł na toje, kab historyju i detali złačynstva suprać ich mahli być abvieščanyja ŭ ŚMI.
Upaŭnavažanaja pa pravach čałavieka taksama adznačyła, što mnohija achviary abvinavačvajuć siabie ŭ tym, što zdaryłasia, ličać siabie vinavatymi ŭ tym, što nie zmahli abaranić blizkich, majuć suicydalnyja nastroi.
Jana raskazała historyju 11-hadovaj dziaŭčynki, jakuju zhvałtavaŭ rasijski sałdat, i anałahičnyja śviedčańni mužčyny siaredniaha ŭzrostu ŭ Kijeŭskaj vobłaści. Taksama Dzianisava pacvierdziła źviestki ab «sklepie dla zhvałtavańniaŭ», arhanizavanym rasijanami ŭ Bučy, dzie znachodzilisia 25 žančyn va ŭzroście ad 14 da 24 hadoŭ.





