«Siońnia ja zaklikaju zrabić humanitarnuju paŭzu na čatyry dni na śviatym tydni z čaćviarha pa Vielikodnuju niadzielu 24 krasavika, kab adkryć humanitarnyja kalidory», — zajaviŭ Huteryš.
Pieramirje dazvoliła b mirnym žycharam pakinuć miescy, dzie ŭžo iduć abo čakajucca bajavyja dziejańni, a taksama padvieźci humanitarnuju dapamohu žycharam Maryupala, Chiersona, Daniecka i Łuhanska.
«AAN hatovaja adpravić u hetyja miescy kanvoi z humanitarnaj dapamohaj u hety čas. My damo padrabiaznyja płany bakam», — zajaviŭ Huteryš.
Sa słoŭ hienieralnaha sakratara AAN, siońnia va Ukrainie ŭ humanitarnaj dapamozie majuć patrebu bolš za 12 miljonaŭ ludziej, ź jakich bolš za adna tracina znachodziacca ŭ Maryupali, Chiersonie, Daniecku i Łuhansku. Jon aścierahajecca, što heta kolkaść moža vyraści da 15,7 miljonaŭ.
