Džon Kirbi. Fota: Kievin Dytč / Getty Images
Kirbi ŭdakładniŭ, što havorka idzie ab dapamozie, atrymanaj nie ad Złučanych Štataŭ.
«Ja prosta chacieŭ by skazać, nie źviartajučysia da taho, što padajuć inšyja krainy, što jany (ukraincy) atrymali dadatkovyja płatformy, a taksama detali, kab dazvolić pavialičyć svoj fłot, pamier avijaparku. Ja dumaju, što na hetym varta spynicca», — zajaviŭ Kirbi.
Hruzy z apošniaha pakieta dapamohi ad ZŠA koštam 800 miljonaŭ dalaraŭ užo pačali pastupać va Ukrainu, uklučajučy bolš ciažkaje abstalavańnie, naprykład, 11 viertalotaŭ Mi-17, 18 155-mm harmat-haŭbic i jašče 300 bieśpiłotnikaŭ Switchblade.
Jak paviedamiŭ čynoŭnik Pientahona, čakajecca, što ŭ najbližejšyja 24 hadziny ŭ Jeŭropu prybuduć jašče siem rejsaŭ z vajskovaj dapamohaj ZŠA dla Ukrainy. Taksama, pa słovach prezidenta Džo Bajdena, Złučanyja Štaty nakirujuć va Ukrainu bolš artyleryi.
