«Vialikaja piatnica — adzin z samych sumnych dzion u hodzie dla chryścijan. Dzień, kali śmierć, zdajecca, pieramahła. Ale… My spadziajemsia na ŭvaskrasieńnie. My vierym u pieramohu žyćcia nad śmierciu», — skazaŭ jon.

«Niezaležna ad taho, nakolki lutymi byli bitvy, u śmierci niama šancaŭ pieramahčy žyćcio. Heta viedaje kožny čałaviek. Heta viedaje kožny chryścijanin. Heta bazavy elemient našaj kultury».

Uładzimir Zialenski padziakavaŭ partnioram, jakija, pa jaho słovach, «narešcie pačuli nas» i pieradali mienavita toje, pra što prasiła Ukraina.

Jon dadaŭ, što «z hetaj zbrojaj my zmožam vyratavać žyćci tysiač ludziej i pakazać akupantam, što nabližajecca dzień, kali jany buduć vymušanyja pakinuć Ukrainu».

Taksama Zialenski padziakavaŭ Vialikabrytanii za «važnaje simvaličnaje rašeńnie» viarnuć brytanskuju ambasadu ŭ Kijeŭ. Vialikabrytanija stała dvaccać pieršaj krainaj, jakaja viarnuła dypłamatyčnyja pradstaŭnictva ŭ stalicu Ukrainy.

Prezident Ukrainy adreahavaŭ na naviny ab mahčymych płanach Rasii ŭstalavać kantrol nad poŭdniem Ukrainy. Zialenski paabiacaŭ, što Ukraina budzie abaraniacca stolki, kolki spatrebicca, kab złamać hetuju ambicyju Rasijskaj Fiederacyi.

Клас
35
Панылы сорам
0
Ха-ха
2
Ого
0
Сумна
0
Абуральна
0