Michaił Cyhankoŭ (jon ža Gypsynkov)
Hałoŭny žartaŭnik biełaruskaha Tvitara. Spačatku zachoŭvaŭ ananimnaść, ale chto jon taki, stała viadoma paśla zatrymańnia jaho siłavikami. Na ščaście, usio skončyłasia tolki sutkami. Zatym Cyhankoŭ źjechaŭ ź Biełarusi, schadziŭ da Miełkaziorava i staŭ traplać nie tolki ŭ śpisy žartaŭnikoŭ, ale i ŭ topy krašaŭ.
Hrustnyj Koleńka
Paradyjny akaunt, jaki viadziecca ad imia Mikałaja… nu, vy zrazumieli. Raniej byli redkija, ale trapnyja žarty, ciapier jany bolš złyja i aktualnyja. Što ž, jakija časy, taki i Koleńka.
No context Belarus
Dakumientalnaja dzič z našaha z vami žyćcia.
Michaś Iljin
Žurnalist, stendapier, mikrabłohier. Niedurnyja i aktualnyja žarty ad razumnaha čałavieka, što jašče treba.
Śviatłana Cichanoŭskaja
Akaunt viadziecca ŭ duchu jeŭrapiejskich palitykaŭ: važnyja zajavy, vinšavańni sa śviatami, aśviatleńnie dziejnaści. Ale na toje heta i Tvitar — tut važna zachoŭvać čałaviečy tvar. U Cichanoŭskaj, ci jaje pijarščykaŭ, heta atrymlivajecca bliskuča.
Anton Matolka
Urbanist, ekstremist, teraryst i chto tolki nie. Nu vy i sami ŭ kursie.
Arciom Šrajbman
Čałaviečy tvar palityčnaha ahladalnika.
Reanimacyjnaja štučka (Nika Siachovič)
Pracavała aniestezijołaham u Minsku. Paśla adnojčy źniała na videa Azaronka ŭ mietro — i joj zacikavilisia siłaviki. Nika była vymušanaja emihravać u Polšču.
Alaksiej Łazaraŭ
Biełarus, jaki razam z žonkaj abaraniaje Ukrainu. A paru hod tamu, kali chłopca pryzvali ŭ armiju, jaho stužka pieradavała chroniki i žarty z žyćcia biełaruskaha sałdata terminovaj słužby.
Maryna Mientusova
Biełaruska, jakaja žyła ŭ Maskvie, ciapier u Jeŭropie. Stajała la vytokaŭ biełaruskich žanočych maršaŭ.
Leks AjTiBoroda (Alaksiej Kartyńnik)
Ajcišnik i papularny błohier. Maje viadomy jutub-kanał, pryśviečany IT-industryi.
Kacia Łazickaja
Pra ŭsio na śviecie ad pryhožaj biełaruskaj dziaŭčyny.
Andrej Bond
Minski šoŭmen i seks-simvał, jaki pakul nie źjechaŭ, što samo pa sabie zasłuhoŭvaje vašych łajkaŭ. Da taho ž apošnim časam pierajšoŭ na biełaruskuju — nie čałaviek, a mara.
Ivan Radziankoŭ
Akaunt dla mazachistaŭ: biljard i reposty biełaruskaj dziaržprapahandy. Apošniaje ź ironijaj, ale ž…
Naša Niva
Pieršaja biełaruskaja hazieta z rysunkami. Usie našy naviny apieratyŭna i koratka.
«Jon što, tuju bombu na rovary viazie?» Vialikaja padborka miemaŭ i tyktokaŭ pra vajnu va Ukrainie
