Pavodle słoŭ sukamiernika, byłoha śledčaha pryviali ŭ karcar 1 lutaha, i ŭžo tady na jahonym ciele možna było zaŭvažyć ślady hvałtu.

Jon byŭ uvieś sini: ad kanca pazvanočnika i amal da piatak. U jaho byli navat nie sinija, a ciomna-fijaletavyja nohi. Na tvary i na hałavie byli drapiny, ślady ad kajdankoŭ.

— Mikita raspaviadaŭ, što bili nahami, dubinkami, namotvali anuču na hałavu, nadziavali śmiećcievaje viadro na hałavu i bili pa viadry, kab śladoŭ źbićcia nie zastavałasia. Ale ŭsio roŭna ŭ jaho było raśsiačeńnie na nosie, kala vucha byŭ vialiki siniak. Vidać, pa nosie jamu trapiła narmalna, tamu što jon jašče i čyrvony byŭ. Taksama ŭ jaho byli apuchłyja vusny, rana na padbarodku, — apisaŭ stan eks-śledčaha były aryštant.

U IČU Mikita Staraženka prabyŭ try dni. Zatym jaho pieraviali ŭ SIZA-1.

Siońnia stała viadoma, što Staraženku praciahnuli termin utrymańnia da 1 červienia 2022 hoda. U mužčyny jość maleńkaja dačka. Z žonkaj jon razyšoŭsia.

Mikita Staraženka pracavaŭ śledčym u Partyzanskim rajadździele staličnaha SK z 2017 hoda. Pavodle źviestak pravaabaroncaŭ, paśla prezidenckich vybaraŭ 2020 hoda jon zvolniŭsia, admoviŭšysia rasśledavać spravu 16-hadovaha chłopca (imavierna, havorka pra Cimura Mickieviča, jaki paciarpieŭ pry zatrymańni ŭ 2020 hodzie). Paśla zvalnieńnia 28-hadovy Mikita pracavaŭ jurystam.

Ciapier byłoha śledčaha abvinavačvajuć u «raspalvańni sacyjalnaj varožaści» pa č. 3 art. 130 KK. Jamu pahražaje ad 5 da 12 hadoŭ kałonii.

Čytajcie taksama:

«Paśla 15 sutak jon vielmi mocna źmianiŭsia». Što viadoma pra eks-śledčaha, jakomu ciapier pahražaje 12 hadoŭ kałonii

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?