Alaksandr Valfovič

Alaksandr Valfovič

«Całkam narmalnaja zajava dziaržsakratara (było skazana: nie leźcie da nas, pa sutnaści: chto da nas ź miačom pryjdzie, budzie nieści vydatki) była całkam pieraviernutaja i skažonaja ŚMI cełaha šerahu krain i interpretavanaja, u tym liku ŭ zahałoŭkach, jak toje, što Biełaruś inicyjatyŭna pahražaje svaim susiedziam, Polščy ŭ tym liku. I za heta ŭchapilisia tak zvanyja «jastraby», jakija zaklikali ledź nie naroščvać bajavuju moc, bo Biełaruś budzie pravakavać vybuchi. Heta značyć, vajna va ŭsim, choć zajava była absalutna adekvatnaj».

«Nie treba paddavacca na pravakacyi. Ale i rassłablacca taksama nie treba. Situacyja niaprostaja», — adznačyŭ jon, kažučy ab naroščvańni vajennych hrupovak u susiednich krainach. Ale navat u takoj situacyi «MZS praciahvaje dyjałoh, u tym liku i z Polščaj, pa dypłamatyčnych kanałach», zapeŭniŭ Anatol Hłaz.

«Jość peŭny ŭzrovień dyjałohu. Pakul što vostryja prablemy ŭsio-taki atrymoŭvajecca abmiarkoŭvać i zdymać. I dalej my budziem nastojvać na dyjałohu i vykarystoŭvać jaho ŭ jakaści asnoŭnaha instrumienta. My za dyjałoh, i tak i budzie, tamu hramadzianie mohuć spać spakojna», — skazaŭ pres-sakratar.

Jak paviedamlałasia, dziaržaŭny sakratar Rady biaśpieki Alaksandr Valfovič 18 krasavika raskazaŭ pra značnuju militaryzacyju krain ES, u tym liku Polščy, Litvy, Łatvii. «Jany svaju infrastrukturu pryvodziać u adpaviednaść niezrazumieła čamu, napeŭna, raźviazvańniu, padrychtoŭcy da ahresii. Dumaju, prosty narod, polski, litoŭski, bačyć toje, što adbyvajecca siońnia va Ukrainie, jakija razbureńni, jakaja trahiedyja, jak hinuć prostyja ludzi na terytoryi Ukrainy. Spadziajusia, jon hetaha nie zachoča, tamu što nie atrymajecca tak, što jany raźviažuć ahresiju ŭ dačynieńni da Biełarusi, i vajennyja dziejańni buduć prachodzić tolki ŭ Biełarusi. Nie, na ich terytoryi taksama buduć razbureńni, hibiel, vybuchi», — skazaŭ Alaksandr Valfovič.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?