Vajskovaja baza ZŠA ŭ Ramštajnie ŭ Niamieččynie, dzie 26 krasavika adbyłasia sustreča ministraŭ abarony 40 krain śvietu, pryśviečanaja dapamozie Ukrainie. Fota AP
«Adnym ź dziŭnych patrabavańniaŭ Rasii na pačatku vajny była «poŭnaja demilitaryzacyja» Ukrainy. Što ž, paśla ŭčorašniaj epachalnaj sustrečy 40 ministraŭ abarony śvietu maju vielmi kiepskija naviny dla Rasii. Abjom, chutkaść, sproščanaja łahistyka, pašyranaja namienkłatura zbroi — istotna ŭzmocnienyja», — napisaŭ Michaił Padalak u Twitter.
Na avijabazie Vajenna-pavietranych sił ZŠA «Ramštajn» u Niamieččynie 26 krasavika adbyłasia stratehičnaja sustreča kansultatyŭnaj hrupy z udziełam bolš čym 40 krain śvietu dla abmierkavańnia dapamohi Ukrainie.
Ministr abarony ZŠA Łojd Ościn nazvaŭ hetuju sustreču histaryčnaj, bo jaje meta — dapamahčy Ukrainie pieramahčy ŭ vajnie suprać Rasii paśla jaje poŭnamaštabnaha ŭvarvańnia, piša «Radyjo Svaboda».
