Zinaida Michniuk — adna z prafsajuznych aktyvistak, źniavolenych u Biełarusi.
«SIZA №7 Bresta pierapoŭnieny palitźniavolenymi, — havorycca ŭ liście, jaki pieradaŭ z-za krataŭ adzin ź viaźniaŭ. — Na 10 čałaviek u kamiery — pa 7—8 palityčnych».
Aŭtar lista taksama raskazvaje detali spravy prafsajuznaj aktyvistki Zinaidy Michniuk.
60-hadovuju Zinaidu Michniuk abvinavačvajuć pa artykule 369 KK «Abraza prezidenta», jaki ciapier masava vykarystoŭvajecca dla palityčnych represij. Pavodle infarmacyi inšaha źniavolenaha, Michniuk abvinavačvajuć na asnovie materyjałaŭ z prasłuški, jakaja stajała ŭ jaje, jak u aktyvistki prafsajuza REP.
Aficyjny status palitźniavolenaha pravaabaroncy na siońnia nadali 1165 čałaviekam, realnaja kolkaść palitrepresavanych u Biełarusi našmat bolšaja, nie ŭsie imiony viadomyja. Usiaho ŭ krainie praz zatrymańni za apošnija dva hady prajšło kala 45 tysiač čałaviek.
Śpis viadomych pravaabaroncam palitviaźniaŭ, jakija ŭtrymlivajucca ŭ SIZA Bresta, možna ŭbačyć tut.
