Andrej Kazakievič

Andrej Kazakievič

«Ciapier hetaja ideja vyhladaje dosyć śmiešna. Paśla ahresii RF suprać Ukrainy sama Rasija stała vielmi taksičnaj dziaržavaj, — kaža Kazakievič. — Ciapier usie intehracyjnyja pracesy na postsavieckaj prastory, jakija zapuskała Maskva na praciahu apošnich hadoŭ, znachodziacca ŭ samaj nižejšaj kropcy.

Vidavočny fakt, što łakamatyŭ i inicyjatar hetaj intehracyi pieratvarajecca kali nie ŭ krainu-izhoja, to ŭ krainu, vielmi mocna izalavanuju ad inšych. Krainu, suprać jakoj uviedzienaja vialikaja kolkaść sankcyj. I, viadoma, dla ŭsich udzielnikaŭ Jeŭrazijskaha sajuza i SND zaraz hałoŭnaja zadača ŭ tym, kab niejkim čynam samim paźbiehnuć hetych sankcyj.

Na takim fonie nivodnaja suvierennaja dziaržava nie pojdzie na toje, kab niejak dałučacca da hetych sajuzaŭ ci stvarać niešta novaje. Va ŭsiakim vypadku, dobraachvotna».

Hvałtoŭny zachop terytoryj u ciapierašni čas surazmoŭcu nie padajecca realistyčnym.

«Chacieć, moža, jany i chočuć, ale chacieć nie škodna. My bačym, jak zahruzła situacyja va Ukrainie, i, napeŭna, u najbližejšyja hady hety kanflikt budzie pahłynać bolšaść rasijskich resursaŭ. I adkryćcio tut niejkaha druhoha frontu zdajecca nievierahodnym.

Tym bolš paŭstaje pytańnie: a jakuju dziaržavu mahła b uklučyć u niejki sajuz Rasija? Patrabavać ad Kazachstana adździaleńnia niejkich terytoryj? Vielmi sumnieŭna, što heta pryviadzie da stanoŭčaha vyniku.

Armienija, skažam, taksama pad vialikim pytańniem. Pa-pieršaje, niama ahulnaj miažy, ale jość šmat terytaryjalnych sprečak i prablem i z Turcyjaj, i z Azierbajdžanam. Nu, i nasielnictva nikoli nie prymie ničoha padobnaha.

Navat z nahody Prydniastroŭja jość surjoznyja sumnievy. Ciapier u Rasii niama ahulnaj miažy z Prydniastroŭjem. Pa-mojmu, tam nikoli nie było vialikaha žadańnia stać častkaj niejkaha sajuza z Rasijaj abo dałučycca da jaje. Jość, napeŭna, siłavy varyjant, ale ž paŭstanie pytańnie ab tym, što tady rabić z Małdovaj, na rynak jakoj vielmi mocna zaviazana Prydniastroŭje, a praź jaje na rynak Jeŭrasajuza.

Tamu, akramia takich niepryznanych utvareńniaŭ, jak «DNR», «ŁNR», Paŭdniovaja Asiecija, moža, Abchazija, inšych achvotnych paŭdzielničać u ahulnym z Rasijaj i Biełaruśsiu sajuzie niama, — padsumavaŭ Kazakievič.

U toj ža čas, na jahonuju dumku, Biełarusi vyjści z-pad kantrolu Rasii ciapier niemahčyma. Dla hetaha nieabchodny ceły šerah surjoznych faktaraŭ.

«Na žal, my znachodzimsia ŭ zakładnikach u hetaj situacyi. Łukašenka ŭtrymaŭsia va ŭładzie tolki dziakujučy padtrymcy Maskvy, i, adpaviedna, Maskva moža na jaho surjoznym čynam cisnuć. I my heta nazirajem uvieś apošni hod. Jon vielmi šmat zrabiŭ u spravie ŭzmacnieńnia zaležnaści ad Rasii.

U śfiery biaśpieki značna abmiežavany suvierenitet. U infarmacyjnym płanie biełaruskija dziaržSMI znachodziacca ŭ padnačaleńni ŭ rasijskich. Byli padpisanyja «darožnyja karty», chaj i vielmi abstraktnyja, ale, tym nie mienš, biełaruski suvierenitet praciahvaje zastavacca pad pahrozaj.

Adnak zychod rasijska-ŭkrainskaj vajny ŭsio moža istotna źmianić. Heta asnoŭny faktar, i klučavym tut źjaŭlajecca toje, što budzie z samoj Rasijaj, ź jaje ekanomikaj i palitykaj. Heta budzie ŭzmacnieńnie aŭtarytarnaj tendencyi abo, moža być, niejkija źmieny ŭ kiraŭnictvie, pieravarot i h. d. Usie hetyja pracesy buduć vielmi mocna ŭpłyvać na toje, što budzie ź Biełaruśsiu», — upeŭnieny Kazakievič.

Клас
22
Панылы сорам
1
Ха-ха
1
Ого
1
Сумна
2
Абуральна
2