Rasija płanavała, što da dadzienaha momantu prasuniecca značna dalej na šlachu da akružeńnia USU na ŭschodzie Ukrainy, ale sutyknułasia z supracivam i adstaje ad svajho płana nastupu sama mieniej na niekalki dzion.
Pra heta zajaviŭ vysokapastaŭleny čynoŭnik Pientahona, piša Deutche Welle.
«My ličym i aceńvajem, što jany adstajuć ad hrafika taho, čaho jany sprabujuć dasiahnuć na Danbasie», — skazaŭ jon.
Rasijanie ciapier dziejničajuć aściarožniej, kab «nie dapuskać tych ža pamyłak, jakija jany dapuścili ŭ Kijevie». Dziejańni rasijan śviedčać, što jany «praciahvajuć stvarać umovy dla pastupovaha, maštabnaha i praciahłaha nastupu».
Jak paviedamlajecca, havorka idzie ab «kanceptualnym» padychodzie, pa jakim akupanty spačatku nanosiać avija-i artyleryjskija ŭdary pa pazicyjach ukrainskich abaroncaŭ, a paśla sprabujuć raźvić svoj nastup. Adnak udary nie nastolki paśpiachovyja, jak na toje spadziajecca rasijskaje kamandavańnie, što ŭ vyniku pryvodzić tolki da abmiežavanych prasoŭvańniaŭ na ziamli.