Vyviedka Minabarony Ukrainy identyfikavała abaich — Taćciana S. i jaje syn Kanstancin, jaki ciapier znachodzicca ŭ Charkaŭskaj vobłaści. Jany žyvuć u horadzie Savieck Kalininhradskaj vobłaści.
Maci źviartajecca da syna «rybka maja» i raspytvaje jaho pra spravy. Toj raskazvaje, što tolki viarnuŭsia z łaźni i źbirajecca iści pa bulbu «k etim, k sielanam».
Na pytańnie maci, kuplajuć jany bulbu ci im tak jaje dajuć, Kanstancin adkazaŭ:
«Tak dajuć. Pryjšli i nabrali. Knih nabrali, čytajem, kulturna raźvivajemsia».
U adkaz maci paraiła synu być pilnym z ukrainskimi sialanami i paviedamiła, što chodzić pa ŭsich cerkvach i zakazvaje malebny za jaho zdaroŭje.
Kanstancin raskazaŭ maci, jak udzielničaŭ u katavańniach ukrainskich pałonnych na dopytach, jakija pravodzili pradstaŭniki FSB. U pryvatnaści, jon joj tłumačyć pra katavańnie «ružačka».
«Na ciele mužčyny možna zrabić 21 ružu. Bačyła, jak ružy raspuskajucca? Voś tak i ŭzdoŭž kostki na ŭsich palcach skura zrazajecca ź miasam», — patłumačyŭ jon.
Pavodle jaho, kali brali ŭ pałon, to vyklikali pradstaŭnikoŭ FSB, a pakul tyja jechali, «łamali nohi (pałonnym), kab jany nie ŭciakli».
Taćciana nazvała vyradkam staroha ŭkrainca, u jakoha pry zatrymańni ŭ telefonie znajšli pieralik usich pazicyj rasijan: «Voś tamu ja tabie kažu, što nielha im vieryć. Chachły…»
Syn jaje na hetym pierabiŭ i paviedamiŭ, što staroha zabili da śmierci humovymi pałkami:
«Ujaŭlaješ, kolki tam udaraŭ musiła być? Voś tak u nas FSBešniki katujuć. I jašče jość taki mietad katavańniaŭ, kali trubu ŭ sr..ku ŭstaŭlajuć i tudy zapichvajuć kalučy drot. Potym vyciahvajuć trubu i śledam patrochu pačynajuć vyciahvać i drot. Kažuć, što hety mietad jašče z Čačni».
Maci rasijskaha vajskoŭca spytała, ci viedaje jon, jak «ukraincy ździekujucca» z rasijskich pałonnych. «Viedaju, tamu zusim nie škada», — skazaŭ jon i dadaŭ, što jamu vielmi padabajecca ździekavacca z pałonnych.
Taciana na heta adkazała: «Kali b ja tudy trapiła, to taksama kajfavała b ad hetaha. My z taboj adnolkavyja».
Pad kaniec razmovy rasijski vajskoviec skazaŭ, što pa viartańni niekatoryja mietady katavańnia jon vykarystaje ŭ dačynieńni da svajho baćki.
Kanstancin paviedamiŭ, što paśla taho, jak jon zabiŭ 20 čałaviek, jaho «ŭžo navat nie hryzie sumleńnie».
«My tut ludziej zabivajem», — skazaŭ jon, a maci ŭ adkaz u jaho zapytała: «A ty ŭpeŭnieny, što heta ludzi?»
Ukrainskaha vajskoŭca z «Azoŭstali», jaki zdaŭsia ŭ pałon, zabili, chacia paabiacali zachavać jamu žyćcio
