Fota: AP
Akramia inšych śviedčańniaŭ, na prysutnaść u Bučy 76-j parašutna-desantnaj dyvizii z Pskova pakazvaje list, znojdzieny miascovym žycharom u svaim domie ŭžo pa viartańni ŭ horad. Jano było adrasavana sałdatu pa imieni Alaksandr Łahvinienka, jakoha Reuters paźniej apaznała jak desantnika z Pskova.
Fota: Reuters
Akramia taho, susiedni dom, pavodle słoŭ miascovaha žychara, zajmała taja ž hrupa rasijskich sałdat. Na ścianie doma niechta bałončykam napisaŭ «Wolf_68». Žurnalisty apaznali rasijanina Kiryłu Kručkova, jaki tak padpisvajecca ŭ svaich sacyjalnych sietkach. Jon słužyŭ u 234-m šturmavym avijapałku, jaki ŭvachodzić u skład 76-j hvardziejskaj desantna-šturmavoj dyvizii.
Fota: Reuters
U budynku na Jabłunskaj vulicy, dzie raźmiaščaŭsia štab rasijskich vajennych, pobač ź jakim byli znojdzieny vosiem cieł, členy Nachvardyi Ukrainy znajšli paśviedčańnie asoby na imia Kanstancina Koršunava. Žurnalisty Reuters identyfikavali jaho jak vajskoŭca vajskovaj častki № 3179, jakaja naležyć da padraździaleńnia Rashvardyi «Viciaź».
Fota: Reuters
Taksama žurnalisty ŭstanavili, što ŭ Hastomieli, Baradziancy i Łubiancy ‒ nasielenych punktach Kijeŭskaj vobłaści, jakija znachodziacca niedaloka ad Bučy, ‒ prysutničali čačenskija vajskoŭcy. Piaciora vidavočcaŭ paviedamili, što ŭ Bučy dziejničali čačenskija bajeviki. Naprykład, žychar horada Uładzimir Abramaŭ raskazaŭ žurnalistam, što bačyŭ, jak 4 sakavika čačenskija vojski viali svaju kałonu ŭ horad.
Na nastupny dzień, 5 sakavika, pavodle jaho słoŭ, čačenskija sałdaty pastukalisia da ich u dźviery. Pa słovach Abramava, jany byli apranuty ŭ formu piasočnaha koleru i darahija čaraviki z nubuka, a ich ryštunak byŭ bolš achajny, čym u rehularnych rasijskich vojskaŭ.
«Čačency zahadali Abramavu, Irynie i Alehu vyjści na vulicu z padniatymi rukami. Adzin z sałdat nieadnarazova pytaŭsia Irynu, dzie, pavodle jaje słoŭ, chavajucca «nacysty», i padpaliŭ ich dom. Pakul Irynu dapytvali, inšyja sałdaty ŭ padraździaleńni zahadali jaje mužu źniać kašulu.
Jany vyvieli jaho, hołaha pa pojas, z domu na vulicu na choład. Abramaŭ skazaŭ, što čuŭ, jak Aleh prasiŭ sałdat nie pryčyniać jamu škody. Pa słovach Abramava, sałdaty prymusili Aleha ŭstać na kaleni. Potym jany strelili jamu ŭ skroń. Kali rasiejskija vojski ŭ kancy sakavika adstupili, cieła Aleha było adnym z bolš za tuzin ciełaŭ, pakinutych na vulicy Jabłunskaj», ‒ havorycca ŭ rasśledavańni.
Pra hienacyd u Bučy stała viadoma 2 krasavika. U toj dzień žurnalisty i ŭkrainskija vajskoŭcy ŭvajšli ŭ vyzvaleny ad rasiejskaj akupacyi horad i ŭbačyli vulicy, usiejanyja trupami. U kahości ź ich ruki byli źviazany za śpinaj, niekatoryja zahinuli ad strełaŭ u patylicu. The Insider parazmaŭlaŭ z žycharami Bučy, i jany raspaviali, jak rasiejskija vajskoŭcy rasstrelvali vypadkovych minakoŭ, rabavali dama i nie davali źjechać.
Sudmiedekśpierty vyśvietlili, što dziasiatki mirnych žycharoŭ Bučy i Irpienia zahinuli ad fłešet. Fłešety ‒ zavostranyja stalovyja snarady, padobnyja na drociki. Ich vykarystoŭvali ŭ Pieršaj suśvietnaj vajnie.
Alaksandr Łukašenka 5 maja zajaviŭ, što złačynstvy ŭ Bučy ździejśnili anhličanie, jakija pryjechali ź Lvova na čatyroch aŭtamabilach.
Cieły sa znakami katavańniaŭ, trupy na vulicach, brackija mahiły. Rasijskija vojski pakinuli na Kijeŭščynie strašnyja ślady
New York Times: Spadarožnikavyja zdymki całkam abviarhajuć viersiju Rasii, što zabojstvy ŭ Bučy adbyvalisia paśla sychodu jaje vojskaŭ
Niamieckaja raźviedka pierachapiła pieramovy rasijan u Bučy. Tam abmiarkoŭvałasia zabojstva ludziej
Apublikavany jašče adzin važny videazapis, jaki dakazvaje, što mirnych žycharoŭ u Bučy zabili ŭ čas rasijskaj akupacyi
