Nahadajem, połk «Azoŭ» — farmavańnie Nacyjanalnaj hvardyi Ukrainy, jakoje ŭvachodzić u skład Uschodniaha apieratyŭna-terytaryjalnaha abjadnańnia.

Bajcy «Azova» ŭdzielničajuć u abaronie Maryupala ź pieršych dzion poŭnamaštabnaha ŭvarvańnia Rasii va Ukrainu.

Ciapier na terytoryi zavoda «Azoŭstal» praciahvajucca krovapralitnyja bai z rasijanami. Ukraina sprabuje vyratavać vajennych, zabłakavanych na terytoryi zavoda.

Voś hałoŭnaje z bryfinhu.

  • Rasijanie zabili bolš za 25 tysiač cyvilnych u horadzie i stracili 2,5 tysiačy svaich vajskoŭcaŭ.
  • Vorah viadzie intensiŭnyja abstreły «Azoŭstali». Tolki za noč było 25 vyletaŭ, u tym liku troch stratehičnych bambardziroŭščykaŭ. Pracujuć tanki, minamioty, snajpiery, piachota sprabuje šturmavać.
  • Za apošnija try dni evakujavali cyvilnych. Ci ŭsich, azoŭcy nie mohuć skazać, pakolki niama śpiecyjalnaj techniki, kab razabrać zavały.
  • Situacyja takaja, jakuju raniej nikoli nie bačyli ŭ historyi. Palityki adznačajuć nievialikija pieramohi — evakuacyju niekalkich dziasiatkaŭ i sotniaŭ čałaviek, u toj ža čas bolš za 25 tysiač čałaviek byli zabityja rasijskim vojskam.
  • Ukrainskija bajcy zabili ŭ Maryupali 2,5 tysiačy rasijskich vajskoŭcaŭ.
  • Azoŭcy taksama źniščyli bolš za 60 tankaŭ i paškodzili jašče 30.

Клас
23
Панылы сорам
1
Ха-ха
2
Ого
1
Сумна
33
Абуральна
8