Za apošnija hady Ukraina vyjšła na 4 miesca pa eksparcie pšanicy, idučy za takimi vializnymi pa terytoryi krainami, jak Rasija, Kanada, ZŠA. Źjaŭlajecca taksama adnym ź lidaraŭ pa eksparcie kukuruzy. Za 2021 hod Ukraina sabrała rekordnyja 107 miljonaŭ ton zbožžavych, ź ich pšanicy — 32 miljony. Kala 80 pracentaŭ sabranaj pšanicy idzie na ekspart.

Kali słuchać łukašenkaŭskuju prapahandu, to tam usio razvalena, usio zachapili aliharchi. Pry hetym usie apošnija hady Ukraina pavialičvaje i ŭradžajnaść (ciapier 46 centnieraŭ), i vałavy abjom. 

A tym časam u Biełarusi kožny hod hieraična, pad huki sielektarnych naradaŭ i Dažynak, źbirajuć 6—7 miljonaŭ ton. Pšanicy tam zvyčajna 2,5 miljona ton. Ale dla vyrabu dobraha chleba Biełaruś vymušanaja kuplać pšanicu za miažoj. 

Važna nie pierabłytać. Tam, dzie «ŭsio razvalili» ŭ sielskaj haspadarcy — 107 miljonaŭ ton, tam, dzie ŭsio «zachavali» — 7 miljonaŭ (terytoryja Biełarusi ŭ 3 razy mienšaja za ŭkrainskuju, uradžaj — u 15 razoŭ mienšy).

Dla dalejšaha paraŭnańnia, varta nahadać, što ŭ maleńkaj Litvie (terytoryja ŭ try razy mienšaja za biełaruskuju), dzie, pavodle Łukašenki, uvohule nikoha nie zastałosia, a sielskaja haspadarka ŭ poŭnym zaniapadzie, bo «raspuścili kałhasy», zbožžavych u 2021-m sabrali jak u Biełarusi — 7 miljonaŭ.

Uradžajnaść pšanicy ŭ Litvie ŭ 2021-m — 56 centnieraŭ. Va Ukrainie, nahadaju, 46 centnieraŭ. U Biełarusi? U 2021 — 30,5 centnieraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?