«U nas jość paviedamleńni ad ukraincaŭ pra toje, što kali jany znachodziać rasijskuju vajskovuju techniku, jana zapoŭnienaja paŭpravadnikami, jakija vajskoŭcy dastali z pasudamyjnych mašyn i chaładzilnikaŭ», — skazała ministarka handlu ZŠA Džyna Rajmonda.
Rajmonda adznačyła, što ekspart amierykanskich technałohij u Rasiju ŭpaŭ amal na 70 pracentaŭ z momantu ŭviadzieńnia sankcyj u kancy lutaha.
Pavodle słoŭ ministarki, čyj departamient kantraluje ekspart, jaki składaje bolšuju častku pakieta sankcyj, try dziasiatki inšych krain pryniali anałahičnyja zabarony na ekspart, jakija taksama raspaŭsiudžvajucca i na Biełaruś.
