Padatkaviki ciapier šukajuć hetaha taksista i kali znojduć, to buduć pryciahvać da adkaznaści. Nazvu słužby jany nie nazyvajuć, «bo ŭpeŭnienyja, što słužba ni pry čym», ale ź jaje kiraŭnictvam źbirajucca na ŭsialaki vypadak pierahavaryć.
Viadoma, što taksist uziaŭ kłijenta «ad barta». U vypadku, kali kiroŭca vystupaje jak samastojny pieravozčyk i kłijenta znachodzić sam, to i rascenki na svaje pasłuhi jon vyznačaje indyvidualna.
Punkt 169 pastanovy Savieta Ministraŭ Respubliki Biełaruś «Ab niekatorych pytańniach aŭtapieravozak pasažyraŭ» vyznačaje, što pamier płaty za pasadku ŭstanaŭlivajecca aŭtamabilnym pieravozčykam zychodziačy ź jahonych vydatkaŭ, źviazanych z vykanańniem pasadki i vysadki pasažyraŭ, kładki i vyhruzki bahažu i ručnoj pakłažy. Ale ci vykonvaŭ kiroŭca ŭsie prapisanyja patrabavańni?
«Vopyt nam padkazvaje, što taksomietr na radaściach jon zabyŭsia ŭklučyć. My dziejničajem vyklučna ŭ ramkach zakona i pryciahnuć da adkaznaści taksista zmožam tolki za parušeńnie paradku pryjomu najaŭnych hrašovych srodkaŭ», — padkreślili va ŭpraŭleńni.
