Murał u Mumbai. Fota: Indranil Mukherjee / AFP / Getty Images
Sandžyŭ i Sadchana Prasad kažuć, što addali ŭsie svaje źbieražeńni na toje, kab vychavać syna i dać jamu adukacyju piłota, a taksama na jaho pyšnaje viasielle. Ciapier jany chočuć atrymać hetyja hrošy nazad, piša The Guardian.
U svaim chadajnictvie ŭ sud para napisała, što ich syn žanaty ŭžo šeść hadoŭ, ale jany z žonkaj usio jašče nie płanujuć naradžeńnie ŭnuka. Sandžyŭ i Sadchana ličać, što kali ŭ ich źjavicca ŭnuk, ź jakim možna budzie pravodzić čas, ich žyćcio stanie bolš ciarpimym.
Baćki patrabujuć ad syna kampiensacyju ŭ pamiery 50 miljonaŭ rupij (646 tysiač dalaraŭ). Hetaja suma ŭklučaje ŭ siabie košt viasiella ŭ piacizorkavym hateli, raskošnaj mašyny canoj u 80 tysiač dalaraŭ i apłatu miadovaha miesiaca, jaki para praviała za miažoj. Baćki taksama patracili 65 tysiač dalaraŭ, kab ich syn atrymaŭ adukacyju piłota ŭ ZŠA, ale ž jon nie zdoleŭ znajści sabie pracu pa śpiecyjalnaści.
Sandžyŭ i Sadchana byli vymušanyja ŭziać kredyt, kab pabudavać svoj dom, i ciapier majuć vialikija ciažkaści ź finansami. Jany adčuvajuć siabie ciažka i ŭ psichałahičnym płanie, bo žyvuć adny.
Sud u paŭnočnaj Indyi pačnie razhladać spravu 17 maja.
Indyja viadomaja svajoj mocnaj siamiejnaj sistemaj. U hetaj krainie pryniata, kab niekalki pakaleńniaŭ adnoj siamji — naprykład, babuli i dziaduli, plamieńniki, ciotki i dziadźki — žyli razam.
Ale ŭ apošni čas tendencyja pačała źmianiacca. Maładyja pary starajucca addalicca ad baćkoŭ, bratoŭ i siaścior, a žonki vybirajuć pracu, a nie vychavańnie dziaciej.
«Zmročnamu» amierykancu zładzili na pracy viečarynu, jakoj jon nie chacieŭ. Heta kaštavała pracadaŭcy 450 tysiač dalaraŭ
