Biełaruś praciahnuła biaźvizavy ŭjezd hramadzianam Litvy i Łatvii da kanca hoda, paviedamlaje Ministerstva zamiežnych spraŭ Biełarusi.
«Hety žest dobraj voli biełaruskaha boku staŭ nahladnym paćviardžeńniem imknieńnia našaj krainy da zachavańnia dobrasusiedskich adnosin z adpaviednymi dziaržavami, dalejšaha raźvićcia mižasabovych kantaktaŭ pamiž prostymi ludźmi navat va ŭmovach niezakonnaha sankcyjnaha cisku na Respubliku Biełaruś», — zajaŭlaje MZS.
Minsk imkniecca takim čynam pavysić abaroty handlu i śfiery pasłuh u pamiežnych rehijonach. Siaredni zarobak «čystymi» ŭ Litvie i Łatvii ŭ 2,5 razu vyšejšy, čym u Biełarusi, a ahulnyja dachody jašče bolšyja, bo ŭ hetych krainach bolšuju dolu ŭ dachodach siamiej składajuć prybytki ad biznesu i pryvatnaj ułasnaści.
Litoŭcy i łatyšy — pryvabnyja klijenty dla kram, aŭtazapravak i śfiery pasłuh. Jany pryjazdžajuć u Biełaruś pa bienzin, ałkahol, cyharety, karystajucca pasłuhami cyrulniaŭ i stamatałohijaj.
Čytajcie taksama: Ad kavy i padhuźnikaŭ da matornych masieł i Iphone. Pa što biełarusam vyhadna jechać u Polšču i Litvu
Šop-tury ŭ Biełaruś. Što vyhadna vieźci ad nas u Polšču, Litvu i Łatviju
