Saviet ministraŭ pastanovaj №301 ad 14 maja unios źmieny ŭ pieralik płatnych vieterynarnych pasłuh, što akazvajucca arhanizacyjami, uklučanymi ŭ strukturu dziaržaŭnaj vieterynarnaj słužby, a taksama jurydyčnymi asobami i indyvidualnymi pradprymalnikami.
Dakumient siońnia aficyjna apublikavany na Nacyjanalnym pravavym internet-partale i ŭstupaje ŭ siłu paśla apublikavańnia, paviedamlaje reform.by.
Pieralik dapoŭnieny dvuma pasłuhami:
afarmleńnie i vydača abo pieraafarmleńnie vieterynarnych dakumientaŭ;
čypiravańnie žyvioł.
Akramia taho, źmieniena vyznačeńnie dvuch pasłuh. Zamiest UHD-dyjahnostyki źjavilisia «instrumientalnyja dyjahnastyčnyja daśledavańni». «Ažyćciaŭleńnie vieterynarna-sanitarnaj ekśpiertyzy i vieterynarna-sanitarnaha ahladu ŭ metach prafiłaktyki i dyjahnostyki chvarob žyvioł» zamieniena na «ažyćciaŭleńnie vieterynarna-sanitarnaj ekśpiertyzy i vieterynarna-sanitarnaha ahladu praduktaŭ žyviolnaha pachodžańnia, a taksama praduktaŭ raślinnaha pachodžańnia pry ich realizacyi na rynkach u metach pravierki ich biaśpieki ŭ vieterynarna-sanitarnych adnosinach».
